Naghimo og fake account og nag-post og photos aron pakauwawan

Dear Atty. Divine,

Aduna lang koy ikonsulta kabahin sa akong ex-boyfriend. Naghimo siya’g fake account gamit ang akong name. Akoa sab photo ang gigamit niya nga profile, ikaduha, nag-post  sab siya sa social media ug iya ko nga gipakauwawan.

Nag grab siya og mga photos sa akong account ug lakip na mga old post photos gikan sa among school page. Apil pa akong mga anak gi-post niya, akong mga students, ug akong mga kauban sa trabaho. Akong pangutana kun makapasaka ba ko og kaso nya? Daghang Salamat. -- Fely

* * *

Dear Fely,

Kining iyang paghimo og fake nga account sa social media gamit ang imong pangan, ug pag-post sa imong mga pictures nga gikan sa imong social media account nga way pagtugot kanimo, hayan posible kining kalapasan sa provision sa Cybercrime Prevention Act o Republic Act No. 10175.

Samtang kining iyang gihimong pagpakauwaw kanimo online, mamahimo sab siyang makiha og Cyber Libel. Ang maayo nimong buhaton karon mao ang pagpasaka og reklamo batok kaniya sa barangay diin siya magpuyo. Kun di mo masettle sa barangay then you can file a case against him in Court.

Kinahanglan nga imong probahan sa Korte nga siya ang naghimo og fake account sa social media gamit ang imong pangan ug siya ang nag-post sa imong mga pictures aron ka iyang pakauwawan lakip na ang imong mga anak. Thank you and God Bless. -- Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.