Sayup ang pangan sa asaw a nga nabutang sa titulo

Dear Atty. Divine,

Maayong Adlaw. Duna koy duha ka mga pangutana kabahin sa yuta nga akong sinunod sa akong mga ginikanan. Una, sa certificate of land title sa maong yuta, nasayop ang entry sa spouse kay imbes ngalan sa akong asawa, ang ngalan sa akong ugangan ang nakabutang. Ikaduha, kun magkoral ko sa akong property unsay kahimtang sa muhon? Isakop ba siya o ipagawas or anha ba sa sentro sa muhon ang koral? Daghang salamat. —Larry Boy

* * *

Dear Larry Boy,

Kalabot sa imong unang pangutana, kinahanglan gyud nimong ipausab ang entry sa name sa imong spouse sa maong titulo. Mas maayo nga imong bisitahon ang Register of Deeds ug pangutan-on kun mamahimo bang pakurihi-an ang name sa imong spouse sa titulo sa yuta nga di na moagi sa Korte, ug kun unsay ilang requirements ug imo kining i-comply aron makurihi-an ang sayop nga pangan sa imong spouse. Kun bag-o pa nga na-release ang titulo mas maayo nga imo dayon kining ibalik sa Register of Deeds og imong silang sulti-an sa sayop nga entry aron ilang pakurihi-an. Samtang sa ikaduha nimo nga pangutana, kun magkural ka kinahanglan nga mosentro gyud sa mohon ang imong koral kay mao man kana ang utlanan sa imong yuta, busa kinahanglan nga dili molapas sa mohon ang imong koral. Thank you and God bless. —Atty. Divine

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.