Walking-walking lang

Wa ba mo kamatikod nga ang mga walay kaugalingong sakyanan, maglakaw lang, mas baskog hinuon ang panglawas, kaysa niadtong kanunay nga nagsalig sa luho ug air-conditioned nilang mga owner cars?

Diha sa Fuente Osmeña circle, ug sa Abellana oval, atong makita mga senior citizens nga mag-exercise, mag-brisk walking, bisan ang uban magsangkiig na og lakang. Okay lang, palig-on sa lawas. Hinuon, atong ma-imagine nga ang uban kanila (including myself tingali), lagmit sa mga batan-on pa,  wala sa ilang mga pangandoy ang pag-exercise. 

Karon nga luya na ang panglawas, mao pay pag-exercise, mao pay pag-lakaw-lakaw, mao pay  pag-walking-walking. Mao pay pag-realize sa value sa walking.

Alang kanatong mga senior citizens, ania kining gikan sa YouTube, some benefits of walking:

Boots energy; Boots immune system; Helps maintains cardiovascular health; Strengthen bones and muscles; Reduces stress and tension; Reduces risk of heart attack; Maintains a heathy weight; Reduces depression; Lowers blood  pressure; Helps reduce isolation from society; Longevity. Daghan kaayong mga benefits sa paglakaw-lakaw lang, yet ato kining gi-ignore sa mga batan-on pa kita.

Sa Amerika, akong nabasahan nga ang mga health-conscious kanila, mo-park sa ilang mga sakyanan, layo sa ilang opisina, aron makalakaw. Dinhi sa ato, kitang mga Pinoy, kon mahimo lang atong isakay sa elevator ang kotse, iduol sa desks, o sa atong workplace. Mao nga daghan sa atong mga executives dagku’g tiyan.

Anyway, sa China, ang mga senior citizens nga babaye, sa ilang pagpangompra, mohapit una sa gym o sa dapit sama sa Abellana grounds, aron mag-exercise.

Akong kaila nga kapin na sa 80 ang edad, morag ex-military man, maglakaw gikan sa RR Landon St., paingon sa Carbon market, ug balik, nagbitbit na sa iyang mga kinompra.

Giingon dinhi nga “The 5-m walking time in Japanese elderly individuals tended  to be faster than in non-Asian elderly individuals.” Sa ato pa, mas baskog molakaw ang mga senior citizens sa Japan, kay sa mga senior citizens sa non-Asian countries.

Naghisgot man kita’g elders sa Japan, pangutana, How do people in Japan treat their elders?

Tubag sa Google: “In general, Japanese people are kind and courteous to older people (sama nato natong mga Pinoy), when speaking to an elderly person they add an extra element of respect by adding their “san” after their name (such as Antolin san) they also use a certain way of communicating politely called “keigo.”

So, sama kanato dinhi, ang mga Japanese, generally, matinahuron usab kaayo ngadto sa ilang katigulangan. Usahay lang, dinhi sa ato, maglakaw-lakaw kita’g gabii, makasugat kita’g mga batan-on, dili na man mo-greet og Bei ‘Lo, o Bei ‘La. Time indeed has changed, just like the changing of climate.

Ug nia, the countries with the best elderly care: Nag-una ang Norway, gumikan sa lg-on nilang pagpakabana ug concern sa katilingban, o strong sense of community, diin 100% ang pension coverage ug financial security alang sa ilang older adults.

Gisundan sa Sweden, Switzerland, Germany, Canada, USA, ug Great Britain. Ug mga nasud nga fitness o exercise-conscious: Nag-una ang Singapore, gisundan sa Japan, Switzerland, Australia, Norway, ug Netherlands.