EDITORYAL — LTO kuwang og ngipon?

Kuwang kaayo og ngipon ang Land Transportation Office pagpitol aning mga motorcycle dealers ug car dealers nga maayo lang sa pagbaligya apan way ayo sa after sales service kun ang hisgutan mao ang rehistro, transfer, o ba kaha otorisadong plaka na maoy hisgutan.

Kani lang daan kabahin da mga otorisadong plaka nga pwerte ng dugaya wala gyud masulbad.

Kun ang LTO maoy pasultihon, nangangkon sila nga wala nay backlog sa mga plaka.

Apan lahi pud og tubag ang mga dealers kay ini og adto sa nakapalit sa motor o sakyanan mangulipas man ug mamasangil nga wa pa i release sa LTO.

Nganong "zero backlog" man kun wala pa gihapon ma release ngadto sa dealers kining mga plaka?

Kun namakak ang dealers tungod sa pagtinapolan sa ilang mga liaison officers, wala bay mabuhat ang LTO pagpitol nila?

Dili ba diay  pangitaan sa LTO og pruweba ang dealers kun nahatag na ang mga plaka ngadto sa mga nakapalit og unit matag bulan?

Dili katuohan nga dili makabantay ang maong buhatan sa mga pagkulang sa mga dealers.

Kuwang ba gyud sila og ngipon o duna gyuy kurapsyon nga nahitabo tali sa pipila ka gitahasang personnel sa mga LTO offices para ani ug sa mga liaison officers sa mga dealers?