Indibidwal ug dinaghan nga mga demonyo

Sukaranang mga Teksto: Mt. 8;33/Lk. 8;35-36/Mk. 16;9/Lk. 8;3

Ang mga demonyo mahimong molihok ingon nga usa ka indibidwal o dili ba usa ka pundok. Dili sa tanang panahon nga ang usa ka tawo o dapit mahimong hugpaan dayon sa legion.

Inanay kining mahitabo labina kun ang hingtungdan ang nitugot nga ug nipadayon sa matag sala diha sa iyang kinabuhi.

Sa inanay nga paagi mahimong molipang ug mapalig-on ang maong presensiya diha sa kinabuhi sa tawo. Kun kini mahitabo nan, mas lisud ug komplikado ang proseso sa pagpalagpot sa maong demonyo o mga demonyo.

Diha sa aktwal nga sesyon sa eksorsismo pagabuhaton sa eksorsista kining  mosunod:

1. Pag-ila sa giila nga pangulo sa mga yawa nga nisulod sa lawas sa tawo.

2. Pagasilyohan ang dapit ug pagabaoran ang bisan unsang kukabildo sa mga demonyo pinaagi sa gamhanang ngalan ni Jesus aron ang mga nahisgotang panulay dili makatawag og reinforcement matud pa. Atong hinumdoman nga bisan kun walay kahiusahan ang mga demonyo apan mahimong magtinabangay silla sa usa ka tumong nga mao ang paglaglag sa mga tawo.

3. Masusi nga pamalandong ang gikinahanglanon ingon man masubsob nga pag-ampo aron sa ingnon matangtang ang maong mga demonyo diha sa lawas sa tawo.

Human ang biktima kahinloi mahinungdanon kaayo ang after care program alang kaniya. Tudloan siya nga mahimong malisud ang pagkab-ot sa kalingkawasan kun anaa gihapon siya sa kaulipnan sa sala.