Mapugos pagtrabaho atol sa iyang day off?
Dear Atty. Divine,
Nagtrabaho ko sa usa ka company isip IT. Kami ang nag-provide og technical support sa pipila ka mga call center company. Kun adunay trouble sa among mga clients patrabahuon mi bisan kun among day-off. Ang akong pangutana, mamahimo ba akong mobalibad ug di motrabaho kun ako ipatawag atol sa akong day-off? -- Glen
* * *
Dear Glen,
Generally, ang usa ka empliyado entitled og rest period nga usa ka adlaw sa matag semana after working for 6 consecutive days. Apan adunay panahon nga ang employer mamahimong mo-require sa empliyado sa pagtrabaho bisan kun iyang day-off basi sa Article 92 sa atong Labor Code of the Philippines. Kini kun adunay emergency tungod sa aksidente, sunog, baha, bagyo, linog ug uban pang epidemic o kalamidad aron kapugngan ang dakong kadaut niini ug alang usab sa kaluwasan sa kadaghanan.
Laing ground nga obligado sab ang empliyado nga motrabaho, kon adunay dinali-an nga buhaton sa makina o equipment or installation aron sab kapugngan ang dakong alkanse sa ilang operasyon. Laing rason kun adunay talagsaon nga pressure sa trabaho tungod sa mga kakulian nga di kapugngan o aron pag-prevent sa pagkahanaw o pagkadaut sa mga perishable goods ug lastly, kun ang nature sa trabaho nagkinahanglan og padayon nga operasyon og moresulta sa dakong kadaut kun ihunong ang pagtrabaho niini. Thank you and God bless. -- Atty. Divine
* * *
Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
