CCPO motutok sa seguridad sa holiday season
CEBU, Philippines — Human sa pag-obserba sa Kalag-Kalag ang seguridad na usab sa mga kalihokan subay sa holiday season ang hugot nga bantayan sa Cebu City Police Office (CCPO).
Matud ni Police Lieutenant Colonel Maria Theresa Macatangay, deputy director for operations ug tigpamaba sa CCPO nga sa buwan sa Nobiyembre hangtud sa Disyembre daghan na ang mga kalihokan sa siyudad hinungdan nga gihan-ay na nila ang seguridad nga ipatuman.
Ang CCPO adunay mga ipahigayong meeting sa mga intelligence community aron mahibaw-an kon dunay mga dayo o daotang tawo nga tuyong nianhi sa Dakbayan sa Sugbo aron mohimo og krimen.
"We have learned so much from the previous incidents involving kadtong dagko nga robbery, Oro Sugbo, DGC and Macy's incident here in Cebu City and we don't want a repetition of that in the future so mao na atoang mga ginatun-an ug ginatutokan nga incidents hopefully dili na mausab pa here in Cebu City", matuf ni Macatangay.
Gipalambo usab sa CCPO ang ilahang police visibility sa mga dapit nga dugokan og daghang tawo aron makaresponde dayon kon dunay emerhensiya.
Samtang gumikan kay ang buwan sa Disyembre tinghatag sa bonus sa mga empleyado modagsa ang mga tawo diha sa mga dagkong tindahan.
Ug tungod niini gipanglantawan sa kapolisan nga mosaka ang kaso sa kawat ug uban pa nga krimen hinungdan nga adunay himuon nga awareness program ang CCPO aron masayod ang publiko sa angayan nga buhaton aron dili sila mabiktima sa mga kawatan.
Lakip sa ilang gipatutokan sa deployment ang mga financial institution nga maoy target sa mga criminal. BDB BANAT NEWS
- Latest
