Gugma

Nobiyembre 3, 2024: Ikakatloang-usa nga Domingo sulod sa tuig

Mga Pagbasa: Dt. 6;2-6/Sal. 18/Heb. 7;23-28/Mk. 12;28b-34

Maayong Balita

Ang napulo ka sugo sa Dios gilangkob sa sugo kun balaod sa paghigugma nga gipadayag diha sa paghigugma sa Dios labaw sa tanan ug ang paghigugma sa atong isigkaingon sama sa atong kaugalingon. Mahinungdanon kaayo kini ug ang atong Ginoo nagpaabot nga atong tumanon kining maong sugo adlaw adlaw sa atong kinabuhi.

Kasinatian

Lisud ang paghigugma labina kun wala kita makatugkad ni makasabot sa bili niini sa atong panaw sa pagtuo ug sa atong panaw sa kinabuhi. Lisud ang paghigugma kun wala kita makahupot niini sa atong kaugalingon. Matud pa dili ka makahatag kun wala nimo kini mahupti.

Lihok

Diha sa paghigugma atong hinumdoman kining mosunod:

1. Ang gugma usa ka desisyon.

2. Sukaranan sa paghigugma sa uban mao man ang paghigugma sa atong kaugalingon

3. Ang bugtong paagi aron molahutay sa panaghigugmaay mao man ang pagsud-ong sa atong gihigugma uban ang mata sa kaaghop.

4. Ang tukmang panahon sa paghigugma karong adlawa kay ang ugma walay kasegurohan.

Pangamuyo

Ginoo tuburan ka sa gugma himoa kaming mahigugmaon sa

usag-usa sama nga kami imong gihigugma. Amen.