Mga yawa ug ang ilang mga ngalan

Ang termino nga yawa gikan sa pulong Griyego nga diabolos diablo sa Italyano ug Espanyol, diable sa pinulongang Pranses.

Apan kun langkobon ang kahulogan ning tanan ang maong termino nagpasabot man og “siya nga tigpasangil, maluibon.”

Diha sa paghubad sa Karaang Tugon ngadto sa Griyego ang mga Judio nga anaa sa Ehipto niadtong ikatulong siglo, ilang gigamit ang pulong diabolos diha sa konteksto ni Satanas sa Hebreo nga pagsabot.

Siya kadtong anghel nga masupilon nga nahimong dautan.

Kalihokan niya ang pagsulay sa kamatinud-anon sa tawo ngadto sa Dios.

Siya kadtong nisulay kang Job. Sa dihang gihubad ang Septuagint ngadto sa Latin kun Latin Vulgate ang diabolos nahimong Satanas diha sa Latin Vulgate nga hubad.

Diha sa bag-ong tugon ang Griyegong hubad nga Satanas ang dili na pagasabton nga batok sa tawo kondili batok na gyud sa Dios.

Ato kining nakita diha sa kasinatian ni Jesus sa iyang pag-ingon: “Pahawa Satanas!”

Diha sa Gipadayag siya’g Yawa[4] ang karaang bitin nga mao ang yawa.

Ang Balaang Kasulatan nagmatuod nga tinuod gyud ang yawa ingon man ang nagkadaiyang mga ngalan nga iyang nahuptan.