Kurapsiyon kaaway ni Inday

Gumikan sa daghang nangutana nganong kada biyahe-bisita ni Presidente Bongbong Marcos Jr. (PBBM) ngadto sa lainlaing nasud sama sa iyang pag-attend og 44th and 45th ASEAN Summit and related summits didto sa Laos, inay si Bise Presidente Sara ‘Inday’ Z. Duterte maoy iyang ibiling care taker, lain man hinuon?  Mga tawo man hinuong dili pinili sa 32M kaping botante, kinsa maoy mipalingkod ni Inday sa ikaduhang kinatas-ang puwesto sa kagamhanan?

Ug sa nagkabungabungang sinultian, ania ang gipamahayag ni PBBM: “She’s still in the government but she left the administration. So she’s not part of the administration anymore.

So, she’s not…she’s not part of the… really the day-to-day running of what we are doing. So, it would be unfair to ask her to now sudden…to impose that duty on her since she’s…that’s not part of her work now.”

Pastilan, niining pagsulti niya nga si Inday pabiling nagtrabaho man tuod sa gobiyerno, pero mibiya sa administrasiyong Marcos, sama rag giunay pagmartilyo ni PBBM iyang ulo.

Natural, mobiya gyod si Inday kay gusto kinig good governance nga pagpangalagad ug dili sa administrasiyong grabe ka korap ug napuno sa pagpanglingla ug kabakakon.

Labi na sa usa ka presidente, kinsa bisag gitumbok na nga naggumon sa gidiling drugas base sa gipagawas nga authentic videos ug testimoniya gikan sa kasaligang mga tinubdan, inay boluntariyong mosumiter sa iyang kaugalingon alang sa follicle hair drug test paglimpyo sa iyang ngalan, nagpakabuta-bungol lamang ug padayong namunoan nga daw gi-promote ang korapsiyon ug sa walay klarong direksiyon nga delikadog maoy makapaalaot-bangkrap sa Pilipinas.

Naklaro hinuon, nga sa paglingkod pa lang ni PBBM, nagplano na iyang administrasiyon nga pisakon si Inday. Ang pagpahat niyag P125M confidential fund sa opisina ni Inday gikan sa Office of the President, diin gituyo nga iatol gyod ang pag-release og alanganing mga adlaw ang nahabilin sa paggamit, diin nagasto kini sulod sa 11 ka adlaw, usa ka planadong lit-ag aron ma-impeach si Inday.

Apan ang ka-honest ug kamatinud-anon ni Inday sa iyang trabaho maoy kinahaitang hinigiban nganong wala siya malit-ag. Ug ang kinabug-atang rason nganong mibiya siya sa gabinete ni PBBM?

Kini tungod kay ang korapsiyon kaaway kaayo ni Inday.