“Focus on job creation and addressing corruption”

Sa Pulse Asia nga survey, nga gi-commission sa Stradbase ADR Institute, September 6 to 13, 2024, sa pangutana kon unsa ang labing mahinungdanon nga mga issue nga angay i-focus sa mga senatorial candidates.

Ang resulta, matud pa “Overall, more than half of Filipinos (57%) hope for candidates to have "job creation, livelihood generation and financial literacy, investment-led economic growth, ug fighting corruption.”

Mao kini ang major concerns sa majority sa mga Pilipinhon, nga angay himuon nga plataporma ug campaign strategy sa mga kandidato pagka-senador, ug pagpangita sa kasulbaran sa maong mga concerns. 

 Dili kinahanglan nga mosayaw, mokanta, ug mobalak sila sa entablano, only to gain votes. Stick to the issues, after all ang ilang pagpagsundayag sa stage, nga sama sila’g mga artista ug joker sa puting tabel,  bisan kaha makalingaw sa hinakot nga audience, dili kini maoy gipaabot sa katawhan nga solusyon sa nahisgutang mga suliran.

Panangltan, unsaon man nila pagsumpo ang corruption ug smuggling; unsaon man nila pagsulbad ang kakulang sa panarbaho; unsa nga matang sa livelihood o kapangabubihan nga proyekto nga ilang iduso, aron makasagang sa ka-mahal sa mga palitunon gumikan sa inflation; 

Unsaon man nila pagpasulod sa mga foreign investments, nga daku kaayo’g ikabuga pagpalambo sa ekonomiya, Cha-cha ra ba maoy bugtong alternative?

Unsaon man usab nila pag-ikag ug pagdasig sa mga local entrepreneurs pagdugang sa ilang investments sulod sa nasud?

Dugang mga minor issues, nga dili kaayo maka-garner as many votes, naglakip sa “quality healthcare, education, peace and order, wider internet access or connectivity, renewable energy use, better mass transportation and the lowest being efforts addressing illegal drug use and trade.”

Kini nga mga issue dili kaayo makadani og daghang voto, kon mao lamang kini ang ipahaba sa mga senatorial hopefuls. Gipaabot ang commitment to integrity and accountability sa mga buot moalagad sa lungsod, unsa ang ilang klaro nga baruganan sa issue on anti-corruption.

Giingon dinhi, atong kutluon: “As the 2025 midterm election draws near, discussions on ending corruption, abolishing forms of pork barrel in the government and investigating government officials' alleged misuse of public funds are becoming more prevalent.”

Mao kini ang prevailing nga mga issue karon nga nagsingabot ang 2025 midterm elections. Kinahanglan klarohon sa mga kandidato, in black and white, unsaon nila pag-alcontra ug pagsumpo sa corruption. Tingalig maglihay-lihay sila niini.

Sa survey nga gihimo, sa pangutana, “how strongly Filipinos believe government officials iinvolved in corruption should be held accountable, it found that 91% of Filipinos want government officials involved in corruption to be held accountable, while the remaining 9% had no opinion.”

Midugang usab ang mga respondents nga kinahanglan ma-transparent, dili ilipat-lipat, kon diin ug asa paingon ang buhis ug ang kapin sa P13 trillion nga budget. Gitawag kini sa Pulse Asia nga ‘financial transparency.’

Ug nia pa, mga 61 percent sa tulo ka matag lima ka Filipino ang mosalig sa desisyon ug aksiyon  sa gobiyerno, kon ma-controlled ang corruption; 58% kon ang standard of living ma-improved; 52% kon motubo ug mosulbong ang ekonomiya.

Matud pa sa Pulse Asia: “Transparency and accountability paves the way to responsive governance.”