Pagtulon-an kalabot sa mga anghel

Ang ikaupat nga Konsilyo Laterano (Ca. 1215)ang nidason nga ang Dios sa sinugdanan ang nigama sa Dungan (simul) nga paagi ang mga linalang espirituhanon ug lawasnon. Ang mga anghel ug ang mga kalibutanon kun yutan-on. Ang tawo nakaambit sa maong duruha ka mga kinaiya sanglit siya espirituhanon man ug lawasnon man usab. Usa ka kamatuoran ang mga linalang nga espirituhanon ug dili lawasnon nga gitawag sa balaang kasulatan ingon nga mga anghel. Usa kini ka kamatuoran sa pagtuo nga giuyonan usab sa Tradisyon.

Si Kinsa man ang mga Anghel?

Si San Agustin nagkanayon: “Anghel ang ngalan sa ilang opisyo kun buhat ug dili sa ilang kinaiya sanglit ang ilang kinaiya espiritu man. Ang mga anghel mao man ang mga mensahero ug mga sulugoon sa Dios, tungod kay kanunay silang nagasud-ong sa panagway sa akong Amahan nga atua sa langit sila ang mga gamhanan nga nga nipatalinghog sa pulong sa Dios ug nipatalinghog niini. Ingon nga espirituhanong linalang ang mga anghel adunay kahibalo ug kabubut-on. personal sila ug immortal nga mga linalang nga mas labaw ug hataas kun itandi sa mga Makitang mga linalang, ang ilang kahimayaan nagsaksi man niini.

Si Kristo Uban ang Iyang mga Anghel

Si Kristo ang sentro sa kalibutan sa mga angheles. Sila ang mga angheles ni Kristo. “Kun moabot ang Anak sa Tawo uban ang himaya uban kaniya ang mga anghel.” Gipanag-iya ni Kristo ang mga angheles sanglit gibuhat sila pinaagi ug alang kaniya. Diha kaniya gihimo ang tanan sa langit ug sa yuta, Makita ug dili Makita. Sila gipanag-iya kaniya ang tanang kagahuman, prinsipalidad, ug kamandoan, ang tanan gibuhat pinaagi ug alang kaniya. Nangalagad sila kaniya ug nahimong mga mensahero sa iyang mga laraw. Dili ba sila ang mga espiritu nga nangalagad nga gipadala aron mangalagad tungod alang kanila nga nangita sa kaluwasan?”