Kon dili mailisan, luoy katawhan

Kinatibuk-ang utang sa Pilipinas base sa nahitala sa Pebrero 2024 miburot na ngadto sa P15.18 trillion ($269.4 billion).

Ang makaguol kay wala g'yud kitay nakita nga mga engrande-makatagbawng inprakstaktura ug uban pang mga suwabeng programa nga makasulbad sa unemployment problems, national security crisis ug ekonomikanhong suliran nga maoy gitagan-an niining kuwartaha.

Ang Kongreso, kinsa maoy screening body sa annual budget proposal nga aplayan sa atong mga lider, hagbay rang namatud-an nga dili patas diha sa ilang pagsusi ug pagbusisi. Kon si Bise Presidente Sara ‘Inday’ Z. Duterte gani ang moaplay, ila gyong lisodlisoron.

Pero'g si Presidente Bongbong Marcos (PBBM)? Ay, walay daghang langas. Approved dayon?

Ultimong Notice of Disallowane gikan sa Commission on Audit nga wala g'yuy kaso sanglit halos tanang mangangalagad apil na mga kongresista nakaagi sab niini, busa normal ra!  Pero ilaha gyong gihimong big deal.

Ang nakaparat, kay bisag daghan nang mimatuod nga si PBBM tigsuyopan g'yud og cocaine, inay imbestigahan kini sa Kongreso, nagpakabuta-bungol lamang sila. Impeachable baya ning kasoha! Pero walay Kongreso-Senado ang nangahas sa pagtuki-kaskas.

Maong dili mabasol ang nagpakabanang pundok, Hakbang ng Maisug nga mag-rally sa Liwasang Bonifacio, Quezon City ug nagkalainlkaing dapit sa nasod ug tibuok kalibotan, kinsa nagdapit sa tanang naapektohan nga mo-join ug magkahiusa sa pag-People Power.

Apan sa kadaghan na mag-rally, sila nagakadiyotay hinuon. Labi na, ang Kingdom of Jesus Christ mipahibalong mohunong una pag-apil sa mga Maisug Prayer Rally. Sanglit mopukos una sa ilang inandlaw relihiyosong kalihokan.

Niining maong situwasiyon, seguradong magpabilin si PBBM sa iyang puwesto. Busa, ayaw pagdahom adunay 2025 Senatorial candidates ubos sa partido sa mga Duterte nga modaog.

Kay matod pa, ni Atty. Glen Chong, abogado kanhi sa mga Marcos, natikas man gani ni Bongbong-Liza ang 2022 election, diin si Tatay Digong pa ang presidente? Unsa na kaha karon, nga si PBBM nay namunoan sa Pilipinas? 

Bisan sa 2028 election, bisag si Inday pay molansar pagka-presidente ug sa kinabag-an maoy gibotaran, pildehon gihapon siya sa mga Marcos.

Ug kon si anhing Pres. Ferdinand E. Marcos Sr. miabot og 20 ka tuig sa iyang pagka-diktador, basin ang pamilyang Marcos Jr.  mosobra pa.

Hahayyy, kaluoy natong mga Pinoy!