Dili mahimong hikawan sa ilang bahin ang ubang heirs

Dear Attorney,

Ang akong kapuyo adunay pangutana kay naay yuta ang iyang lola sa probinsya. Ang yuta gipangan sa iya og sa iyang uyuan kay patay na man ang iyang mama ug siya man ang kamaguwangan nga anak. Karon namatay na sab ang iyang uyoan ug ang yuta wa pa mabuak.   Ang iyang uyoan atty. naay anak pero tua sa Bicol.

Ang iyang lola wala na mopuyo didto sa ilang yuta after namatay iyang uyoan. Busa nahabilin didto ang mga papeles apil na ang mother title ug gikuha kini sa igsuon sa iyang lola. Ang iyang lola atty. giango- ango na tungod sa katiguwangon. Nanawag akong kapuyo sa igsuon sa iyang lola nga kuhaon unta niya ang papeles sa yuta aron iyang masuta kun gipangalan ba gyud sa iyaha ang yuta, apan dili naman hinuon ihatag, daghan naman hinuon kaayo siya’g pasangil. Nangutana daw siya sa PAO ngano daw wala ang name sa igsuon sa akong kaipon. Ang akong pangutana atty. unsa may angay niyang buhaton?  Daghang salamat. -- Jong

Dear Jong,

Kun ang property inherited gani o sinunod sa mga ginikanan or apohan, kinahanglan nga ang tanang compulsory heirs sa original owner aduna gyuy share niini. Kini bisan pa kun nakapangan na ang yuta ngadto sa imong kapuyo, kay wa man kini magpasabot nga ang iyang mga igsuon wa nay labot sa maong yuta. Basi sa balaod, ang yuta nga kabilin sa mga ginikanan, kinahanglan nga bahinon kini in equal share sa mga sumusunod. Busa aron malikayan ang kasamok, mas maayo nga iyang ipasubdivide ang property ug bahinon kini in equal share nilang mga magsuon. Mas maayong mag-contribute silang mga igsuon aron ipa-survey og ipa-subdivide ang maong yuta nga ilang sinunod sa iyang lola. Samtang ang share sab sa iyang uyoan nga namatay, ang iyang mga anak na sab ang magbahin niini. Thank you and God bless. -- Atty. Divine

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.