Katekesis No. 91 Pagpaambit

Binasi: Mk. 8;1-10

Sa makadaghang higayon nahimong nahisgutan na gyud ning milagro kalabot sa pagpadaghan sa pan ug isda nga gipakaon alang sa mga tawo.

Gani kun atong gamiton ang English translation atong makita nga gitataw gyud didto nga dunay five thousand men without counting women and children. Nga sa ato pa diay, mas daghan pa gyud ang mga tawo niadtong mga panahona.

Ang Sagrada Eyukaristiya nagkahulogan og tulo ka mga butang:

1. Sakripisyo. Ang maong sakripisyo sama sa sakripisyo nga gihalad ni Kristo Jesus sa Bukid sa Kalbaryo.

Kining maong sakripisyo padayong gisaulog sa matag higayon nga kita motambong sa Misa diha sa paagi nga maampoon ug solemne.

2. Pasalamat. Kita nagsaulog tungod kay kita nagpasalamat tungod sa kaayo nga padayon natong nasinati gikan sa Dios ang tuburan sa tanang mga maayong mga butang.

3. Pagpaambit. Maingon nga si Kristo Jesus nipaambit sa iyang kaugalingon alang kanatong iyang mga sumusunod, kita usab ang gidapit aron mopaambit usab sa atong kaugalingon ngadto sa uban. Adlaw adlaw kini nga pagahimoon sa atong atong kinabuhi.

Aron mamahimong mas makahuloganon ug mahatagan og kinabuhi ning bag-ong panahon ang milagro sa pagpadaghan sa pan ang nagpahinumdom kanato ning mosunod:

Fast kun puasa. Kita nisakripisyo aron gikan sa maong sakripisyo kita makapaambit ngadto sa uban sa mga butang nga giisip gyud unta natong mahinungdanon.

Apan atong gitagana alang kanila nga mas nagkinahanglan pa kay kanato.

Availability sa kaugalingon ngadto sa uban ug sa kinatibuk-an.

Silence kun kahilom aron tagamtamon ang kaayo sa Dios pinaagi sa pag-ampo. Hinumdomi ang tawo maantigong mopaambit labina kun siya maampoon usab.

Temperance kun ang pagkamapugnganon ug disiplina sa kaugalingon.

Walay mausik nga gasa nga gikan sa Dios labina kun ato kining inatiman.