Nawala ang original nga titulo sa yuta
Dear Atty. Divine,
Ang kopya sa original title sa property nila ni mama nawala. Mibalhin man gud sila og puyo last year ug posible nga nawani ang maong titulo sa ilang pagbalhin. Natagbaw na mi og pinangita sa tanang lugar nga posible niyang gibutangan apan wa gyud makit-i. Ang akong pangutana kun unsa may buhaton aron makakuha silang mama og original nga titulo hulip sa nawala nga title? Daghang salamat.
Tommy
* * *
Dear Tommy,
Ang unang buhaton sa imong mama mao ang pag execute og Affidavit of Loss labot sa titulo nga nawala. Human niini, iyang ipa annotate ang maong Affidavit of Loss ngadto sa kopya sa titulo nga anaa sa Register of Deeds. Once ma annotate na, mokuha siya og Certified True Copy sa title nga adunay annotation ug human niini, iya kining dad-on sa iyang abogado aron ipasaka sa Korte ang Petition alang sa pagpa issue og laing titulo hulip sa nawala nga title. Aduna kini hearing og once ma approve ang petition, momando ang Korte sa Register of Deed sa pag issue og laing titulo hulip sa nawala. Thank you and God bless!
Atty. Divine
* * *
Alang sa iyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
