Inday misamot katibay

Unfair kaayo timbangtimbangon: Kining delikadong isyu-pasangil nga si Presidente Bongbong Marcos (PBBM) sukad pa kaniadto nagumon na sa pagpunayg hingos og ginadiling drugas, sumala pa sa iyang kababata nga si kanhi Senador Nikki Coseteng.

Usab niiadtong panahon sa iyang diktadoriyang amahan, anhing Presidente Ferdinand E. Marcos Sr (FEM), diin napatik nga may usa ka lalaking anak si FEM nga dili lang user, kondili, tigpayuhot gyod niining bawal nga gamot.

Hangtod nga niining bag-o, gibandilyo pinaagi sa You Tube channel ni Maharlika Boldiyakera sa guwapang Cathy Binag, ex-girlfriend ni kanhi Kongresista Tony Boy Florendo, kauban sa mga alta-sosyedad ni PBBM, nga kadaghan niya nakita ang maong grupo nga mag-drugs session;

Kay imbes magpanday gilayon og resolusiyon ang Kongreso ug Senado nga paimbestigahan kini, otomatik hinuong midepensa ang mga alipores sa Marcos-Araneta-Romualdez’s nga pulos kuno fake news, bisag ang maong nanggawas nga videos, matod pa ni Maharlika, pulos sertipikadong authenticated.

Sa tinuoray lang, sukad sa paglingkod ni PBBM, wala pay natuman sa iyang gisaad. Si Bise Presidente Sara ‘Inday’ Z. Duterte, msmo, saksi kon giunsa pag-ilad ni PBBM ang katawhan sa matam-is niyang mga pasalig nga bakak. Malamboong Pilipinas maoy gikasabotan sa kanhi panag-tandem nilang Inday. Apan ang gitukod ni PBBM, usa ka korap kaayong pangagamhanan. Butang, nga wala ikahimuot ni Inday. Busa, niay pipila ka kabahin sa iyang sulat-Pahayag sa publiko:

“We, Filipinos, deserve better. I will be voice of the people. Leaders should not be motivated by cash, cocaine or champagne. And most certainly, leaders should not be made to hold champagne glasses. Leadership is faithfulness to the oath of office. Leadership is faithful service to the people.”

Gumikan niini, nagplano ang admnistrasiyong Marcos pag-impeach ni Inday sa madaling panahon. Matod pa sa kasaligang tinubdan, labihang pangombinse-tanyag sa Marcos-Araneta-Romualdez team og minilyong bribe ngadto sa mga AFP generals. Pero gibalibaran sila.

Usab, solidong suportado si Inday sa mga retiradong kasundalohan. Ug labaw sa tanan, nagakaisog-nagakalanog ang singgit sa Muslim leaders-Hakbang ng Maisug organization worldwide ug sa minilyong botanteng nabudol-nadismaya, kinsa sige nag isaisa sa ilang kinumong kamot: “We’re always at your back, Inday!”

Unta, dili kini mosangpot sa usa ka dugoong climax!