Pag-ampo ni San Cyprian sa Nicomedia Obispo ug martir batok sa bisan unsang tunglo Ikaduhang bahin

Palingkawasa kining imong alagad (isulti ang ngalan) gikan sa kasina, garbo, kalaog, kahakog, kapintas, kawalay pagpugong sa kaugalingon, kaulag, maldisyon, tunglo, ug sa bisan unsang kadaut nga gikan sa karaang dragon nga mao ang yawa.

Patalinghogi O Dios ang magbubuhat sa tanang mga butang paminawa ang among mga hangyo nga imong palingkawason ug luwason ang imong alagad (Isulti ang ngalan) gikan sa tanang mga sakit ug balatian. Ayaw itugot nga hasion sila sa mga dautan ug pintas nga gahum sa kangitngit. Patalinghugi ang among mga pangamuyo ikaw nga labing maloloy-on kanamong tanan nga imong katawhan.

Kun ugaling ako nga imong sulugoon ang napahamtangan og bisan unsang kadaut gumikan sa tunglo, yamyam, buyag, dautang konsagrasyon, nga bunga sa kasuko ug kasina, ug nidangop kanila nga nagbansay sa itom nga mahika  himoa kini silang tanan nga walay gahum aron modagmal ning imong alagad nga si (isulti ang ngalan) (balikon sa makatulo kining bahina)

Kining tanan pagalangkata ingon man sila nga nagpadala niini batok Kanako kastigoha sa hilabihan ug papahawaa sila sama og aso. Hinginli ang tanang mga tunglo, yamyam, malamaton nga mahika bisan diing dapit, kanilang mga tinago ilawom sa yuta, o dagat, o dapit sa ganghaan o sa tugkaran , o sa bisan asang  pinuy-anan. Uban ni bisan kinsa, sa mga lungag o bisan asang dapit diin ikaw lamang O Dios ang nasayud!

O Ginoo uban sa imong gahum nga nag-atiman sa tanan ug nag-amoma sa imong ubos nga ulipon (Isulti ang Ngalan) hinginli gikan Kanako ug gikan sa akong panimalay ang tanang kalihukan sa tigpasiugda sa tanang kadautan, nga mahimong gikulit o gisulat  diha sa panit sa hayop, diha sa puthaw o bato.

Kahoy o bisan unsang sulatanan ginamit ang bisan unsang tinta o dugo sa tawo o hayop ginamit ang bisan unsang kahimanan sa pagsulat.

O Ginoo papasa ang tanang lihok sa yawa nga hinimo sa bulawan, plata o bisan unsang puthaw ginamit ang mga bukog ug kuko sa tawo o hayop, langgam buhi man o patay nagagikan man sa lubnganan o ilawom sa yuta, pinutos man uban ang dagom, o lansang nga gisumpay  o gisagol sa buhok, panapton, o hinabol, o puntil ug sa bisan unsang pamaagi ginamit ang mga tanum, kahoy o pisi uban ang linimogmog nga tubig. Ikaw O Dios ang nasayud sa tanan! Mas nahibalo ka kay ni bisan kinsa kanamo!

Palingkawasa O Gino tungod sa imong Balaan nga Ngalan (manguros) Amahan, Anak, ug Espiritu Santo ug pinaagi sa gahum sa imong Balaan ug Hamili nga Krus ang maghahatag sa kinabuhi, ihatag ning imong alagad (isulti ang ngalan) ang kinabuhi nga gisakmit gikan kaniya ug sa iyang banay.

Ituy-od ang imong tuong kamot ingon nga dili madutlan nga taming ug panalipod ug hinabang. Magdala unta kini og kalipay ingon man panalipod, ikaw nga angayan sa among pagdayeg hangtud sa kahangturan. Amen.

Matuboy ang Dios samtang ang iyang mga kaawy magkatibulaag. Mokagiw sila gikan sa atubangan sa Dios ug ang tanan nga supak kaniya. Ang tanang kaaway gipukan sa timaan sa Krus. O Dios pinaagi sa pag-ampo sa tanang mga santos ug sa mahal nga Inahan sa Dios. Ihatag kanamo ang imong kalinaw ikaw nga maluloy-on sa tanan. Amen!