Rider nakumpiskahan ng marijuana

MANILA, Philippines — Isang rider ang naaresto sa inilatag na buy-bust operation at nakuhanan ito ng mahigit sa kalahating milyong vape, liquid marijuana at kush, kamakalawa ng hapon sa isang pribadong subdivision sa lungsod ng Imus, Cavite.

Kinilala ng pulisya ang suspek na si alyas Wenxer, nasa hustong gulang residente ng Imus City, Cavite.

Sa ulat ng pulisya, alas-4:50 nang ikasa ng mga otoridad ang isang buy-bust laban sa suspek sa Unit 3, #42 Diamond St., Executive Lane Subd. Brgy. Pinagbuklod, Imus City at dito ay naaresto ang suspek.

Nakumpiska dito ang 1 asul na paper bag na naglalaman ng 3 vape cartridges na may mga Marijuana oil,Marijuana Kush na aabot sa kabuuang halaga na  P506,600.00.