Magkapatid na paslit, todas sa sunog
MANILA, Philippines — Nagmistulang uling ang bangkay ng magkapatid na paslit na lalaki nang ito ay marekober nang masunog ang kanilang barung-barong sa isang liblib na lugar sa Barangay Magbok sa Tulunan, Cotabato nitong Miyerkules.
Sa mga hiwalay na ulat nitong Huwebes ng Tulunan Municipal Police Station at ng local government unit ng naturang bayan, walang kasama ang magkapatid na sina John Mile Barindad, 3 at John Kyle,1 sa kanilang bahay sa Purok 7, Barangay Magbok nang masunog ang kanilang bahay.
Nabatid sa barangay officials sa Magbok, nagtungo sa ibang barangay ang ama at ina ng dalawang bata nang masunog ang kanilang bahay.
Parehong tupok na parang uling ang magkapatid at wala na ang bahay ng mga biktima nang dumating ang kanilang magulang.
Agad namang inilibing ng kanilang mga magulang at ng barangay officials ang dalawang batang nasawi sa insidente.
- Latest
