Mamahimong bang dili dawaton ang resignation sa empleyado?
Dear Atty. Divine,
Nagtrabaho ko sa usa ka company apan nag-file ko og resignation letter kay nasakit ko. Kuwang kaayo og tawo ang among company so pasigehon mi og overtime ug usahay maglisud pa gani mi sa pag day-off. Pag-submit nako og resignation letter, miingon nga HR nga dili niya dawaton ang akong resignation letter kay kuwang daw mi og tawo busa mangita pa siya og ipuli nako. Ang akong pangutana atty. kun mamahimo ba diay nga dili nila dawaton ang akong resignation letter? Mapugos ba ko nila sa pagpatrabaho bisan kun miabot na og 30 days gikan sa akong pag-submit sa akong resignation letter? Daghang salamat.
Anita
* * *
Dear Anita,
Basi sa Labor Code ang empleyado mamahimo nga mo-resign sa iyang trabaho ug ang requirement sa balaod, nga iyang hatagan og 30-day notice ang iyang employer aron kini makapangita og hulip. Dili makapugos ang imong employer sa pagpatrabaho kanimo after 30 days sa imong pag-resign kay imo na man silang gipahibawo labot sa imong resignation. Dili sab mahimo nga dili nila dawaton ang imong resignation kay imo man kanang katungod nga dili na motrabaho. So, kun moundang ka sa pagtrabaho, wa gyud silay mahimo ug obligado sila sa pagbayad kanimo sa imong last pay, ug sa imong 13th month pay. Dapat sab sila nga mohatag kanimo og Employment Certificate. Kun mapakyas sila sa paghatag kanimo niini then mamahimo kang mopasaka og reklamo batok sa imong gitrabahoan ngadto sa NLRC. Thank you and God Bless. -- Atty. Divine
* * *
Alang sa inyong pangutana, palihug pang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
