Alarma HIV-AIDS sa Cebu City miburot!

Gikaalarma sa Department of Health-7 ang padayon nga pagsaka sa kaso sa HIV-AIDS diin nag-una ang Cebu City sa adunay labing daghang kaso gawas sa kaulohan diin miabot na kini karon og 110 ka kaso sukad sa Enero hangtud sa Abril niining tuiga diin 25 niini ang natala sa buwan lang sa Abril.

Kong sumadahon, miabot na sa 5,739 ka kaso sa dakbayan sukad sa tuig 1984 hangtud karong panahona ug moabot na usab sa kapin 300 nga mga nataptan ang nangamatay base sa data sa DOH Central Visayas. Hinuon kining gipagawas nga numbero sa ahensya naglakip usab kini sa tricities ang concentration matud ni Director Jaime Bernadas.

Kong kaniadto numbero numo sa mode of transmission sa virus ang injecting drug users, karon naapsan na sa men having sex with men only o kadtong mga lalaki nga nakighilawas sa sama nga lalaki kinsa dili kuno mahilig mogamit og protection.

Gikabalak-an sa DOH nga mas daghan pa ang nataptan sa balatian kay ang numero nga ilang gihatag base ra man sa official nga listahan o kadtong nagpa-test apan problema karon kay ang uban mahadlok man nga magpa examine ug dili masayran nga anaa na ba diay silay gihambin nga virus ug padayon nga maghimo sa mga butang nga dili unta angayan nga buhaton sa person living with HIV kay makasamot sa paglipang sa virus.

Busa panawagan sa DOH sa mga tawo nga dili gyud malikayan nga makatol ang biga ug motilaw bisan kinsa nga magpa-examine aron masayran ang sitwasyon og mahatagan og intervention.

Kong dili gyud kalikayan naigo na gyud sa virus, angayan nga hinumduman nga dili pa kini ang kataposan sa tanan tungod kay naa may tambal nga available ang DOH ug kong mamintinar kini motaas pa mang kinabuhi ug magpuyo gihapon nga normal.

Kong nalisang kita sa COVID-19 kaniadto mas angayan ikalisang kining sakita kay napamatud-an na kini nga walay kaayohan ug kong dili matabang aw menteryo ang padulngan. Busa ang mga tawo mismo ang mohimo og mga lakang aron maseguro nga dili gyud matakdan dili lang tungod ug alang sa kaugalingon apan tungod ug alang sa mga tawo nga kabahin sa imong kinabuhi.

Tungod lagi sa kahangol sa unod ug lawasnong kahigal malimtan na ang tanan nga murag marka bahala nalang basta matambalan ang lawasnong kalipay. Timan-i ang usa ka higayon nga sipyat kinabuhi ang bugti niana.

Usa ra gyud ang angayan nga himoon aron dili matakdan. Kini mao ang pagkamatinud-anon sa atong partner nga dili mora’g mag-shopping ug labaw sa tanan ang pagrespeto nato sa atong kaugalingon nga dili nato buling bulingan kay kini ang templo sa Ginoo.