Mga demonyo sa kaulag

Ang kaulag usa ka matang sa sala nga resulta sa usa ka dili tarong ug himsog nga pagsabot kalabot sa pakighilawas ingon man sekswalidad.

Ang mga occult leaders sama ni  Aliester Crowley ug uban pa ang nigahin gyud og panahon aron mohimo og pagsulat ug pagtuki mahitungod niini.

Kun atong tan-awon kasagaran ang gipunting niini mao man ang kalami nga dili pinasikad sa gugma hinunoa ang kalami lamang nga hawa sa responsibilidad.

Nahimo na kining panginahanglan nga tungod niini gidalit usab ang merkado aron makakuha ning maong serbisyo sama sa porn sites, mga basahon, mga pasundayag, ug gani mismo serbisyo pinaagi sa prostitusyon ug uban pa.

Ang kaulag padayong modaut sa hustong panghunahuna gumikan sa pag-uyon nga ang unodnong kalalalim.

Atong hinumdoman nga kun mahikot o anaa ang adiksiyon diha sa maong panginahanglang sekswal moresulta kini sa mga sala sama: Panglugos, phedophilia, incest, masturbation, bestiality, necrophilia ug uban pa.

Mao nga gawas sa makanunayong pag-ampo, gikinahanglan usab ang paglikay ug pagmatngon inubanan sa pagduol og propesyonal nga tabang gikan sa mga eksperto.

Unsay angay nga buhaton?

1. Sagrado ang pakighilawas busa kinahanglang himoon kini diha sa konteksto sa kaminyoon. Human madawat ang sakramento sa kaminyoon, ang bana ug asawa gihatagan og katungod ingon man katungdanan sa pakighilawas dili lamang aron manganak kondili aron mapadayag ang gugma sa usag usa.

Ang pakighilawas mao ang pinakataas nga paagi nga pisikal sa pagpadayag sa gugma tali sa magtiayon.

2. Atong hinumdoman nga ang atong lawas Templo sa Espiritu Santo busa angayan nato kining tahuron ug alimahon ug gamiton lamang alang sa katuyoang Diosnon.