Manaktak ang kompaniya

Dear Atty. Divine,

Ang among kompaniya manaktak og empliyado kay alkanse daw ang ilang operasyon. Lima mi ka empliyado ang gipahibawo nga kutob nalang mi sa katapusan sa Hulyo. Adunay separation pay, 13th month pay ug uban pang pabawon ang gitanyag sa company apan ila ming papirmahon og waiver and quitclaim ini’g release sa maong bayad. Ang akong pangutana kun legal ba kining ilang pagpapirma kanamo og Waiver? Daghang salamat. -- Tony

Dear Tony,

Kanang Waiver and Quitclaim mao gyud nay papirmahan sa employer ngadto sa employee kun taktakon na kini sa kompaniya basi sa authorized  causes nga nalatid sa atong balaod  ug dayon  bayran na ang empliyado sa iyang pila ka tuig nga pagserbisyo sa company.  Adunay mga desisyon sa Korte Suprema nga gikonsiderar nga valid ang waiver nga gipapirmahan sa employer ngadto sa employee apan aduna say ubang waiver nga gideklarar sa Supreme Court nga dili valid ilabi na kun gipugos ang empliyado sa pagpirma niini bsan og dili reasonable ang gihatag nga bayad sa kawani. Ang Korte Suprema sa ilang desisyon sa Goodrich Manufacturing Corporation vs. Ativo nga ilang gidesisyunan niadtong 2010 mihatag og upat ka rekisitos nga makonsiderar nga valid and waiver and quitclaim: 1. Nga boluntaryo kining gipirmahan ug nasabtan sa empliyado ang unod niini. 2. Nga way nahitabong fraud or deceit sa pagpapirma niini. 3. Nga reasonable og credible ang consideration niini. 4. Nga dili contrary to law, public order, policy ug morals ang maong quitclaim. Busa kun reasonable ug basi sa balaod ang  gitanyag nga amount sa employer then way rason nga dili mopirma ang empliyado sa Waiver and Quitclaim kay valid kini as long as naa ang upat ka mga rekesitos. Thank you and God bless.

Atty. Divine

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.