Professional liar

Delikado na ang kinaiyang gipakita ni Presidente Bongbong Marcos (PBBM) sa publiko. Imbes mohimog aksiyon nga irespeto siya sa katawhan nga iyang ginudnod sa labihang kawad-on, mao hinuoy iyang giladlad sa publiko ang kinaiya nga makahugno lang pagsamot sa kahugnoon na niyang pagpamunoan.

Dili maayo nga ang usa ka nasud magbaton og usa ka pangulong drug addict.

Busa, kay may concerned citizens mang mipasangil nga siya hagbay rang nagumon sa gidiling drugas, kinahanglan mahatagan niya kinig lehitimong tubag pinaagi sa pagsanong sa panawagan sa kinabag-an nga magpa-follicle hair drug test na siya.

Samot, nga sa nangaging duha ka PDEA Leaks Senate Hearing, gibarogan sa resource person, former PDEA agent Jonathan Morales, nga siya mismo ang naghimo ug mipirma sa PDEA Pre-Operations report human sa makuti niyang pag-imbestiga sa ilang confidential informant, busa tiunay gayod ang maong dokumento, diin nahiapil ang ngalan ni PBBM sa mga giplanohang dakponon.

Pero wala lang madayon, sanglit dunay dakong opisyal sa gobiyerno nga mipugong.

Pulido ug bug-at ang mga pamahayag sa resource person, kinsa bisag giunsa pa paglabay’g mga hugaw’ng pulong sa korap ug na-convicted sa kasong ‘one count of direct bribery and two counts of indirect bribery nga Senador Jinggoy Estrada, nagpabilin ang kaligdong-kahait-kalimpyo sa baroganan ni Sir Jonathan, kinsa nakaangkon og bayanihong pagdayeg gikan sa maalamong katilingban.

Apan sa usa ka media ambush interview, human pangutan-a si PBBM unsay iyang reaksiyon bahin sa PDEA Leaks nga gipabuto-pabuhagay ni Sir Jonathan, mora siyag gitil-asang midepensa:

“You know, this fellow is a professional liar. Parang jukebox yan, eh!

Basta maghulog ka ng pera, kahit anong kanta gusto mo, kakantahin yan. Wala. Walang saysay!”

Naiknat kilay sa nagmabinantayong citizens sa mao niyang pahayag.

Kay kon manamin lang si PBBM ug tutokag maayo iyang hitsura, makita gyod niya ang tinuoray niyang panagway nga nakita mismo sa katawhan.

Dili ba gikan: sa tag-P20 matag kilo sa bugas; pagpilig ligdong cabinet members; dili na mistil motrabaho sa gawas mga OFW kay modagko na ang suweldo sa mga mamumuo; gipaningil na man siya sa katawhan kon hain na kini?

Nan karon, kinsa ba ang real professional liar? Nganong ipahid man iyang hitsura ngadto sa uban?