Wa na mopakita ang asawa sud sa lima ka tuig

Dear Atty. Divine,

Ang akong asawa nananghid nga motrabaho sa Manila. Ako siyang gitugutan kay gusto lagi niya nga ma-repair ang among gipuy-an sa dili pa mi magka-anak. Sa dihang bag-o pa siyang naabot sa Manila magsige siya og tawag nako. Nagpadayon ang among communication sud sa kapin sa tuig. Hangtud nga miabot ang panahon nga panagsa nalang siya motawag. Sa dihang wa na gyud siya motawag nako, ako siyang gisuwayan sa pagkontak sa makadaghan nga higayon apan cannot be reached ang iyang cellphone busa nabalaka ko kun unsay nay nahitabo kaniya. Akong gisuwayan og padala og suwat sa address nga iyang gihatag, apan wa ko makadawat og balus gikan kaniya. Ako sab nga gipangutana ang iyang pamilya kun mikontak ba kanila ang akong asawa apan matud sa iyang mga igsuon dugay na sab daw nga wa mokontak nila.Nagpaabot ko attorney nga mouli siya apan miabot nalang og lima ka tuig wa gyud siya mouli ug wa na mokontak. Hangtud nga adunay laing babaye nga akong nahimamat ug nagka higugmaay mi. Ang akong pangutana kun mamahimo bang akong ipadeklarar ang akong asawa nga patay na kay mao man sab ni ang tambag sa akong ubang kaila aron ako makaminyo pag-usab? Unsa may akong buhaton?

Ronnie

Dear Ronnie,

posibilidad nga kini patay na, mamahimo nga ang nahibiling kapikas mopasaka og Petition sa Korte alang sa Declaration of Presumptive Death sa na missing nga bana or asawa aron ang nahibilin mamahimong makaminyo pag-usab. Apan basi sa mga desisyon sa Korte Suprema, sa dili pa ang korte makadeklarar nga presumptively dead na ang kapikas nga na missing, kinahanglan nga matuman kining upat ka rekisitos:  1. That the absent spouse has been missing for four consecutive years, or two consecutive years if the disappearance occurred where there is danger of death under the circumstances laid down in Article 391 of the Civil Code; 2. That the present spouse wishes to remarry; 3. That the present spouse has a well-founded belief that the absentee is dead; and, 4. That the present spouse files a summary proceeding for the declaration of presumptive death of the absentee.” Sa imo nga kaso, kon wa magpakita nimo ang imong asawa sud na sa lima ka tuig dili kana igo nga kabasihan aron siya ideklarar nga presumptively dead, gikinahanglan ang “well-founded belief” nga posibleng patay na siya ug ang imong honest-to-goodness efforts sa pagpangita kaniya aron dili mabasura sa korte ang imong Petition. Busa kinahanglan imo unang pangitaon ang imong asawa ug kun aduna kay lig-ong basihan nga posibleng patay na siya then that’s the time nga mopasaka ka og petition sa korte og imo kining pamatud-an. Thank you and God Bless. -- Atty. Divine

Alang sa inyong pangutana, palihug lang sa pag email sa [email protected] og akong tubagon ang inyong pangutana pinaagi sa akong column matag Miyerkules, Sabado og Domingo.