Makapugos ba ang employer sa pagpa-overtime?

Dear Atty. Divine,

Nagtrabaho ko sa usa ka kompaniya og karong bag-o medyo sunod- sunod na ang pagpa overtime namo sa trabaho. Sayo kaayo ko mo-report sa trabaho unya patrabahuon pa mi og overtime so medyo di na makaya sa akong lawas. Akong gisultian ang manager nga di nako kaya mag overtime kanunay kay kapoy na akong lawas apan miingon siya nga wa daw mi mahimo kay kuwang sila og tawo. Ang akong pangutana, obligado ba kami nga mo overtime sa trabaho? Daghang salamat.

Peter

*  * *

Dear Peter,

As a general rule, dili obligado ang empleyado nga mo render  og over time work. Apan aduna kini exemption. Basi sa Article 89 sa atong Labor Code kini nagkanayon nga ang empleyado mapugos sa pag overtime kun dunay emergency sama sa gubat, natural disasters, imminent danger to public safety, adunay immediate repair nga gikinahanglan aron kapugngan ang kadaut og alkanse or aron dili mausik ang mga perishable goods ug kun kinahanglan gyud humanon dayon ang importanteng trabaho nga  nasugdan na. Busa kun dili emergency ang trabaho mamahimo ka nga mobalibad sa pag  render og overtime work. Thank you and God bless.

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkukes, Sabado ug Domingo.