Ang pag-atiman

Dunay panultihon nga nagkanyon: “Atimana ang imong lawas sama nga mabuhi kini sa eternidad, apan atimana ang imong kalag sama nga mamatay ka ugma!” Kining maong pahimangno nipahinumdom kanato nga bililhon kaayo ang lawas, ingon nga bililhon usab ang kalag.

Atong hinumdoman nga atong lawas mura og bangko kun unsay atong gideposito mao usab ang atong ma withdraw.

Ang lawas ingon nga templo sa Espiritu Santo Sagrado kaayo.

Gamiton kini alang sa paghimaya sa Dios nga maoy tinubdan sa tanang kinabuhi. Mao nga dili gyud maayo ang pag-abusar niini o dili ba kaha ang pag-abusar niini pinaagi sa paggamit niini sa pagpakasala ingon man sa mga naghinobrang pagpasagad.

Kun luya ang lawas mahimong malisud usab ang pagsulod sa ag-ampo.

Ang naghinobrang kabusog usahay makababag kanato sa usa ka hilom ug epektibong pagpamalandong.

Mag-unsa man tuod ang himsog nga lawas apan masakiton ang kalag.

Ang kalag nga masakiton luoy kaayo sanglit dali raman siya buntogon sa gahum sa kangitngit.

Mao nga diha sa iyang panaw padulong sa kahayag kinahanglan niya ang hinabang ug makuha lamang kini gawas sa pagdawat sa mga sakramento apan sa laing bahin sa pagpanton usab sa lawas.

Atimanon nato ang atong kalag aron sa panahon nga gimbut-an sa Dios kita kaniya mahiusa.