Gikapoy sa pagpakabuhi

Adunay usa ka Dutch woman nga nag-edad og 28 anyos, himsog og panlawas ang nakahukom nga buot na niyang mamatay.

Ang bugtong rason mao nga gikapoy na siya sa pagpakabuhi.

Ug dili lang kay siya kondili mas daghan pa ang nangandoy nga matabangan aron sila mamatay gumikan sa mga mental health issues ingon man sa kasakitan nga ilang gihambin. Mas pilion pa nila nga mamatay kaysa mag-antos.

Ning atong kapanahonan karon daghanan kanato ang naghambin og mga suliran nga kun dili nato matarong og tagad possible nga makahatag kanato og kaluya, kaguol ug kawalay paglaum.

Makaingon ta nga ang kinabuhi walay ayo labaw na kun ang mga tawo sa atong palibot ang manghinan-aw lang sa atong gidangatan.

Ang atong himoon mao nga atong himoong positibo ang atong panlantaw sa kinabuhi.

Usa sa paagi niini mao ang pagsilsil sa atong hunahuna nga ang tanan lumalabay lamang lakip ang atong mga suliran.

Kun mahimong kapoy man ang kinabuhi angayan lamang nga mopahuway apan wala kini magpasabot og pag-undang.

Padayon gihapon kita sa atong panaw, padayon diha sa atong panlimbasog.