EDITORYAL - Agrikultura nagkinahanglan og tabang
![EDITORYAL - Agrikultura nagkinahanglan og tabang](https://media.philstar.com/photos/2024/03/23/banat-toon_2024-03-23_22-08-46.jpg)
Dinhi sa Pilipinas kun mag-uuma o mananagat gani, ubos kaayo ang pagtan-aw sa sosyodad. Kini bisan pa og sila maoy responsable sa halos tanang pagkaon nga naa sa mga lamesang gipangkaon sa mga Pilipino kada adlaw.
Kini tungod kay kadaghanan sa mga mag-uuma ug mga mananagat walay nahuman nga kurso sa kolehiyo. Ang rason tungod ba kaha wala sila paeskuylaha sa ilang mga ginikanan tungod sa kakabus sa panalapi kaniadto.
Kun kahinumdoman nga dili sama kaniadto ang gobiyerno sa Pilipinas nga dunay mga libreng mga edukasyon para sa mga kabus ug dili pa sab kaayo daghan ang oportunidad para sa mga pamilyang maguuma ug mga mananagat nga makapatungha sa ilang mga anak.
Karon, daghan ng mga state colleges ug mga universities nga makaabot na sa mga hilit nga nga lugar ug naghatag og tsansa sa tanang kabataang Pilipino nga gustong makatungha sa kolehiyo.
Ang ubang mga eskuylahan niini nag-offer og mga kursong may kalabotan sa agrikultura ug pangisda ug pamuhi og hayop.
Apan kulang gihapon sa oportunidad nga magamit ilang kamahoan kay gawas nga nimenus na ang agricultural lands, kuwang sab gihapon ang suporta gikan sa gobiyerno.
Tinuod ang uban nikita na gamit ilang nakat-onan apan nanarbaho sila sa mga farm lands sa abroad kay didto dagko ang sweldo ug taas ang pagtan-aw kanila sa katilingban.
Mao sab kini ang rason nganong ang mga gradwado sa fishery courses wala sab kaayo mokulit og pangalan dinhi tungod gamay ra kaayo ang mga komersyal nga mga kompanya nga nalambigit sa fishpond o fisheries.
Kun ang Taiwan nga pwerteng gamaya ra nga nasud itandi sa Pilipinas usa ka exporter og produkto gikan sa fishery industry, nganong dili man kini mabuhat dinhi sa Pilipinas nga nalibutan sab og dagat ug dunay lagpad nga mga lugar?
Labaw nang mabuhat kini sa pananom ug sa pagpamuhi og hayop sama sa baka, kabaw, manok, kanding ug uban pa.
Kun tutokan kini sa gobiyerno solusyon kini sa nagkamahal nga presyo sa pagkaon. Mamenusan na sab ang pagsalig sa Pilipinas sa importasyon sa mga pagkaon gikan sa gawas sa nasud ug may purohan pa nga maka-export kini.
- Latest