12 ka mga kaayohan diha sa atong pagpama-landong sa atong kamatayon

1.Diha sa pagpamalandong sa atong kamatayon, atong mahukman ang atong isi'g ka ingon sa makiangayon nga paagi. Nagpaila lamang kini nga dili nato mahimong himoong sukaranan ang atong pagkatawo ug nakab-ot sa paghukom nila sanglit, kitang hubo nga nahimugso ning kalibutan ug hubo usab nga mohigda sa atong lubnganan.

2. Ang kamatayon maoy pinakamaayo nga magtutudlo alang kanatong tanan, nga sa atong panaw sa kinabuhi dili maayo nga atong komplikadohon ang bisan unsang sayon.

3. Ang kamatayon nagtudlo nato sa pag-ila sa atong kaugalingon. Ang pagdawat sa kamatuoran sa kamatayon, sinugdanan man sa maalamong kinabuhi.

4. Ang kamatayon nagtudlo nato nga mas mahinungdanon ang pag-alagad sa Dios kaysa pagpaulipon sa bisan unsang butang ug kinsang tawo nga lumalabay lamang.

5. Ang kamtayon mopanton kanato sa atong tawhanong kahilig. Mag-unsa man ang katagbawan kun padulong ra gihapon kita sa lubnganan.

6. Ang kamatayon mopakaulaw kanatong tanan. Tambal kini batok sa garbo ug pagpuyo sa kakawangan.

7. Pahinumdom kini nga dili maayo ang pagpakasala.

8. Ang kamatayon nagtudlo kanato nga maayo gyud diay ang maluoy ug mopasaylo aron kita kaloy-an ug pasayloon sa Dios sa Adlaw sa Paghukom.

9. Ang kamatayon tambal batok sa kapasagaran ug sa mga bisyo. Bisan ang kalibutan unsay pulos niini kun mapildi ang imong kalag.

10. Nagtudlo kini kanato nga diha sa kinabuhi mahinungdanon ang kaluwasan kaysa bisan unsang bahandi, gahum ug kasikat.

11. Ang kamatayon nagdasig kanato sa paghangop sa penitensiya uban ang malipayong diwa.

12. Ang kamatayon magdasig kanato sa paglahutay diha sa penitensiya uban ang dili matay-og nga kalig-on.