Kinsay maka-claim sa benefits kun kaduha nagminyo ang namatay

Dear Atty. Divine,

Mangayo unta ko tambag labot sa sitwasyon sa akong nanay. Ang akong nanay naminyo og usab human namatay ang akong amahan. Gikasal siya sa iyang second husband niadtong 2015. Nagtrabaho sa abroad ang akong stepfather ug karong bag-o gipahibawo  nalang ang akong nanay sa agency nga nadisgrasya ang akong stepfather ug namatay. Karong bag-o kalit man nga mitunga ang giingong first wife sa akong stepfather nagdala og marriage certificate ug gustong maoy mo claim sa mga benefits. Hinungdan nga giingnan ang akong nanay sa OWWA nga mokuha og Cenomar. Sa dihang mikuha og Cenomar si Nanay iyang nakita ang first marriage sa iyang bana. Apan nahibung si nanay kay kadaghan man siya mokuha og Cenomar sa wala pa molarga akong stepfather sa abroad ug even before sila nagpakasal wa may laing marriage ang iyang bana. Naa man gani kopya si nanay sa iyang gikuha nga mga Cenomar kaniadto.Giingong dugay na daw nagbuwag ang akong stepfather ug ang iyang first wife ug wa silay anak. Ang akong pangutana, kinsa man gyud ang makakuha sa benefits, ang akong nanay ba? o kadtong mi claim nga first wife? Daghang salamat. -- Greg

Dear Greg,

Kun minyo ang imong stepfather kaniadto og nag-exist pa ang iyang first marriage sa dihang nagpakasal sa imong nanay, then dili balido ang kasal sa imong nanay sa imong stepfather kay usa man kini ka bigamous marriage. Basi sa atong balaod, kung ang usa ka tawo magpakasal og usab, while the first marriage is still existing, the second marriage will be void from the beginning for being bigamous under Article 35, paragraph 4 of the family Code of the Philippines. Bisan tuod kun nagbuwag na sila sa iyang first wife sud na sa dugayng katuigan kon wa gipa annul ang ilang  marriage magpabilin kining valid og magpabilin siyang kasal sa iyang unang asawa. Ug tungod kay dili valid ang marriage sa imong nanay, hayan ang first wife gyud ang makadawat sa mga benefits sa imong step farther. Apan mamahimong mo claim gihapon imong nanay og iyang i-submit ang tanang documents nga anaa kaniya lakip na ang mga previous Cenomar nga iyang nakuha ug bahala na ang OWWA nga modecide niini. Thank you and God bless. -- Atty. Divine

Alang sa inyong pangutana, palihug lang sa pag email sa [email protected]  ug akong tubagon ang inyong pangutana pinaagi sa akong column matag Miyerkules, Sabado ug Domingo.