Ang yawa ug ang tulo ka monghe

Pagpamalandong sa Malangkubong kaayohan

Usa ka adlaw niana nag-ampo diha sa kahilom ang tulo ka mga monghe sa ilang kapilya. Taliwala sa ilang pag-ampo nikalit og butho ang yawa nga sungayan sa ilang taliwala.nakuratan silang tulo. Ang usa nagmaisogon nga nagkanayon: Unsay tuyo nimo?  ang yawa nitubag:  Ayaw kahadlok buot lang kong mangutana!  ang laing mitubag:  Kun ugaling hatagan kamo higayon sap ag-usab sa kasaysayan sa kaluwasan unsay inyong himoon ug iampo?  Ang unang monghe nagkanayon:  Mag-ampo ko nga dili matintal si Eva aron dili makasulod ang sala!  Ang laing monghe nagkanayon:  Mag-ampo ko nga wala ka mosukol sa Dios aron magpabilin kang Anghel aron walay mga yawa nga maghasol kanamo!  Apan ang ikatulo niluhod ug sa kusog nga tingog:  Sa ngalan ni Jesus nga Nazaretnon pahawa Satanas! Dungan ang paghimo sa timaan sa krus. Diha diha nisinggit ang yawa ug nahanaw. Ang duha ka mga monghe nangutana:  Nganong imo man tong gibuhat?  Siya nitubag: Una, wala kitay gahom pag-usab sa nahitabo na. Ikaduha dili maayo nga makig-estorya kita sa kaaway.

Pamalandong

1. Subo palandungon nga ang atong lunsay nga pagtuo mahimong masambogan og mga patuo tuo og kadudahang mga pagtulon-an tungod ug alang sa kukabildo. Imbis atong dad-on ang mga tawo sa sakramento ato naman hinuon silang gigiyahan sa laing balansayon nga dili kita seguro.

2. Tabunok ug kompleto ang pag-ampo ug rito sa simbahan kay gawas nga dunay pagbasa gikan sa Balaang Kasulatan adunay uban aron dili makapasakit sa uban ang mogamit naman hinuon og bible only sa ngalan sa pagkamalangkubon.

3. Katungdanan nato isip mga Katoliko nga atong palipangon ug panalipdan ang atong pagtuo. Dili nato tugotan ang bisan unsang moryomoryo nga isagol sa lunlon lunsay nga pagtulon-an sa simbahan.

Mao kini ang hinungdan kun nganong wala kitay igong padulngan ug baruganan kay bisan gani ang mga gitahasang mga pangulo sa simbahan ang walay kadasig sa pagpanalipod sa bahandi nga sila unta ang piniyalan.