Amahan

Ang amahan gitawag og haligi sa panimalay. kinahanglan nga lig-on ug may baruganan.

Ang amahan gisaligan nga maoy mobantay ug manalipod sa panimalay, mohatag sa mga panginahanglan sa mga anak ug sa kapikas ingon man ang mamahimong sentro sa kahiusahan sa pamilya. Kuyog niya ang inahan sa pag-umol sa pamilya.

Apan unsaon na lang kun ang Amahan mismo maoy moguba niini?

Dili pa lang dugay nahimong trending sa social media ang nahitabo kalabot sa 8-anyos nga batang lalaki nga gikulata patay sa iyang kaugalingong Amahan.

Wala ang inahan sanglit niadto sa kaulohan aron paghikay sa mga papeles padung sa gawas sa nasud. Tumong sa inahan nga mahatagan og maayong kaugmaon ang pamilya.

Apan anugon lamang ang maong paningkamot sanglit mobalik siya sa ilahang panimalay nga wala na ang iyang anak. Ulahi na ang tanan.

Dayag na kaayo ang lihok sa panuway karon. ang amahan gipanuwayan nga tungod niini napanglimotan siya nga tungod niini gibuno niya ang iyang anak ingon sa hayop.

Usa kini ka linuog nga buhat nga lisud tugkaron ni bisan kinsang normal nga tawo.

Pintas ang yawa ug ang bisan kinsang mapintason yawan-on. Unta mahatagan og igong pagtagad ug kaangayan ang gidangatan ning maong biktima. Usa ka sala sa omisyon kun wala kitay igong himoon isip katilingbang Kristohanon.