Taas nga interest ang utang

Dear Atty. Divine,

Ang akong mama nangutang sa lending og P50,000 adtong Oktobre unya ang interest P2,000 per week hangtud May this year.  Nabayran na ni mama ang katunga sa iyang giutang apan ang kuwang naa na say interest  ug less than one week na ang iyang pag charge sa interest ug tungod niini midako na sab ang utang ni mama. Ang nabayad ni mama miabot na og P40 mil busa P10 mil nalang unta iyang kuwang, apan tungod sa interest nga gipatungan pa sab og laing intetest, midako og balik iyang utang. Iyang gireklamo si mama sa barangay ug misaad si mama nga mobayad sa April 30 kay hinay amo halin sa tinda ug nahospital sab ako manghud. Di gyud kasabot ang giutangan og iya gyung gipakauwawan si mama ug kusog ra ba na siya mang harass. Kining giutangan ni mama nga lending dili ra ba ni rehistrado. Unsay among buhaton? Daghang salamat. -- Laura

Dear Laura,

Kun way gipirmahan nga kasabutan ang imong mama labot sa  pagpahamtang og interest  sa iyang giutang then way basis ang iyang giutangan nga mo charge kaniya og interest matag semana. Grabe kadako na nga interest so maglisud gyud og bayad ang nangutang niana. Dili sab maka charge ang giutangan or ang lending og additional charge o interest, sa interest nga wa kabayri kun wa ni malatid sa ilang kasabutan. Basi sa Article 1956 of the Civil Code kini nagkanayon: " No interest shall be due unless it has been expressly stipulated in writing." 

Apan kun duna siyay gipirmahan nga kasabutan hayan mapugos gyud imong mama sa pagbayad apan pwede siya nga mo-question sa kadako nga gipatong nga interest ngadto sa korte. Ang maayo ninyong buhaton mao ang pagbisita og abogado aron padad an og suwat kanang giutangan sa imong mama og pasabton siya kun unsay anaa sa balaod. Kun mang harass siya sa imong mama or manghulga, mamahimo kini ninyong ipa blotter ug kun di mohunong pasakai og reklamo sa barangay o sa korte. Mamahimo  sab nga inyo siyang i-report sa BIR tungod sa iyang pag operate og lending business nga wa mobayad og buhis sa gobiyerno. Thank you and God bless. --Atty. Divine

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.