Mga kilat ug ang atong pagtuo
Pagpamalandong sa Malangkubong kaayohan
Niadtong nihukom sa anhing Papa Benito XVI nga mo retiro gikan sa lingkoranan ni San Pedro naigo sa kilat ang Dome ni San Pedro didto sa Roma. Naigo pud sa kilat ang nabantog nga estatuwa ni Jesus didto sa Brazil.
Ning ulahi gikilatan ang estatuwa ni San Pedro didto sa Argentina tumong sa adlaw nga natawhan ni Papa Francisco.
Natangtang ang halo sa may ulo nga bahin ingon man napungil ang mga yawe nga gikuptan niini. Unsa ba kini? Tilimad-on o pahinumdom sa Dios alang kanatong tanan?
Ning ulahing mga adlaw atong nakita nga daw nagka komplikado ang kalibutan. Pun-an pa sa mga katalagman sa kalikupan, ang gitagna nga solar tsunami ni Bava Vangga ug uban pang mga katalagman.
Padayong mga gubat ug kagubot sa nagkadaiyang mga nasud. Matuman na ba kaha ang mga panagna ni Nostradamus?
O matinuod ba ang panglantaw ni Bishop Fulton Sheen nga ang simbahan mamahimo na lamang usa ka human fraternity devoid of God? Ambot lang.
Apan mahinungdanon kaayo nga sabton nato kining maong mga hitabo nga pasidaan nga kinahanglang mag-amping gyud sa kanunay.
Basin diha baya sa atong pagkamamugnaon isip tawo nilapas na gyud kita sa linya nga gilatid sa Dios. Imbis kahadlok ang atong bation, himoon nato kining sukaranan aron sa ingon atong magmaandamon sa kanunay.
- Latest
