Annulment or legal separation?

Dear Atty. Divine,

Minyo ko ug wa  pa mi anak sa akong bana. Apan aduna koy anak sa akong pagkadalaga. Ang akong anak didto nagdako sa iyang amahan apan niadtong miaging tuig mihangyo ang amahan nga adto sa nako ang bata kay 5-anyos na man kini kay milarga siya abroad. So, gikuha nako ang bata apan nananghid ko sa akong bana ug misugot siya.  Matag karon ug unya manawag ang amahan sa bata kay mangumusta ,sus, magselos man ang akong bana ug mao kini hinungdan nga magsige mi og away. Aduna gani higayon nga iya kung gisagpa ug dili sab siya maayo og treatment sa akong anak. Di na gyud ko ka agwanta sa iyang batasan atty. ug gusto na gyud ko nga makigbuwag niya . Unsa may kaso nga akong i-file atty. Legal Separation or Annulment?  Daghang salamat.

Mila

* * *

Dear Mila,

Adunay dakong kalainan ang Annulment og ang Legal Separation. Ang Annulment kun ma grant sa korte pwede ka makaminyo pag-usab  kay buot ipasabot niini gi-terminate na sa korte ang inyong kaminyuon busa libre na ikaw nga magpakasal og lain. Apan sa Legal Separation bisan kun ma-grant pa kini sa korte dili ka makaminyo pag-usab kay ang Legal Separation nagtugot lang kanimo ang korte  nga mopuyo ka separately sa imong bana apan nagpabilin gihapon mong minyo sa usa'g usa. Lahi sad ang grounds sa Annulment kaysa Legal Separation. Apan sa dili ka pa mo-decide kun unsay imong i-file nga kaso mas maayong imo unang  estoryahon ang imong bana  ug imo siyang sultian labot sa iyang bati nga batasan ug imo siyang warningan nga hayan imo siyang buwagan kun di kini niya usbon. Kun  di gyud gihapon siya mag-usab then imong i-file imong kaso apan kinahanglan nga imong ipa evaluate sa imong abogado ang grounds sa kaso nga imong ipasaka whether Annulment ba or Legal Separation. Thank you and God bless. -- Atty. Divine

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.