Matuman dinhi kanako sumala sa imong pulon

Teksto: Lk. 1;26-38

Pagpamalandong sa Malangkubong kaayohan

Palahi unta kita kay Misa de Gallo Man. Karong Adlawa ang Ebanghelyo naghisgot sa Unang Misteryo sa Kalipay nga mao ang Pagpahibalo.

Si Maria giduaw ni Arkanghel Gabriel aron ipahibalo kaniya nga mamahimo siyang inahan sa Mesiyas nga ipahimugso.

Ning paagiha nahimong mas tataw ang iyang tawag. Apan sa maong panagtagbo, malisud alang kang Maria ang pagsabot sa kahulogan niini.

Unsaon man pagkahimong inahan sa usa ka babaye nga wala gani mahilabti og lalaki. Dili sa ingon nga wala siyay salig apan ang iyang yanong pagsabot wala man makatugkad sa halawom nga misteryo. Apan sa dihang gisaysayan siya ni Gabriel si Maria nagkanayon: “Sulugoon ako sa Dios, matuman dinhi Kanako sumala sa imong pulong!” Sayud si Maria sa Risgo. Sayud siya sa dangatan kun ugaling nasayran nga siya mabdos nga walay bana. Ang kamatayon mahimong iyang mahiagoman.

Apan bisan pa niana, padayon siyang nagmatinumanon. Padayon siyang nagmanggihatagon sa iyang kaugalingon.

Ning atong kapanahonan karon usahay nalingla kita sa mga butang nga mogawas nga maayo apan dakong sukwahi sa kamatuoran ug gugma. Usahay mas talikdan nato ang kabubut-on sa Dios kaysa kabubut-on sa tawo.

Kini tungod kay buot kitang mamahimong kahimut-an sa kalibutan kaysa kahimut-an sa Dios.

Ning kasaulogan sa Pasko sa pagkatawo sa atong Ginoo unta kita mamahimong andam ug tagana nga mohatag sa atong kaugalingon ngadto sa Dios. We have to stand of what is right even if it means standing alone.