Kay lagi luwason ang mga kalag

Pagpamalandong sa Malangkubong kaayohan

Dunay pundok nga dunay dakong tinguha sa pagluwas sa mga kalag. Ug nagtuo ning pundoka nga sila ra gyud ang makahimo sa ingon. Unsa man ang ilang mga pamaagi? Ug unsang matang sa teolohiya ang ilang sukaranan sa paghimo sa ingon?

1.  Una kining pundoka nagtuo sa mga mensahe mensahe nga kuno gikan sa Mahal nga Birhen.

2. Ikaduha, ilang gipahimug-atan ang glossolalia kun gift of tongue kaysa mga sakramento.

3. Ikatulo, Ang Mahal nga Birhen Maria matud pa mitugot nga ang kalag nga mga damned souls kuno mosulod sa lawas sa ilang mga relihiyosong miyembro sa sukaranan nga ang Mahal nga Birhen mas limpiyo ug hingpit dili sama sa ilang mga miyembro nga hugaw ug dili hingpit.

4. Ang tanang desisyon nagsukad sa mensahe nga ibungat sa miyembro nga nasudlan.

5. Daghang mga sakop ang buot mogawas apan gipugngan kay lagi mag-agad sa mensahe.

6. Ang Mahal nga Birhen kuno anaa kanunay sa mahitabo na ang possession nagsud-ong lamang sa hitabo.

7. Ang pangulo ning maong pundok dili kaayo makahatag og igong panahon sanglit busy sa mga fund raising alang sa mga nagkadaiyang mga constructions.

8. Labaw sa tanan taas ra kaayo ang ilang panlantaw sa ilang kaugalingon nga bisan gani ang balaang kasulatan dili naman tuohan ingon ang batakang pagtulon-an sa simbahan. Dependent kaayo sila sa mga mensahe ug arogante kaayong manghagit sa mga batid aron lamang pag -justify sa ilang pagtulon-ang heretical.

9.  Matud pa, kun ang kalag kuno mosulod na sa lawas aron magpatabang benditahan dayon kini sa ilang superior aron matabangan ang pag-angat niini sa langit.

10. Ang ilang mga pamaagi naka cause og trauma labina sa mga menor nga sakop sa ilang pundok. Spiritual ug Ritual Abuse kining ilang gihimo.

11. Kasagaran ang mga oras diin ilang I perform kining maong ritwal anaa sa tungang gabii hangtud na sa mga alas tress a kaadlawon nga kun buot hunahunaon witching demonic hours.

12. Ang psychological conditioning nga dunay dili maayong panghitabo nga modangat sa miyembro nga mopahawa sa ilang pundok ginamit pa ang Dios ug relihiyon.

Subo palandungon nga dunay mga pundok niini nga mo-organize og mga pundok nga walay klarong tumong, karisma ug misyon. Molihok sila diha sa kangitngit ug malinglahon ang ilang mga pamaagi.

Anaa man tuod silay giilang tigpanalipod apan kining maong hingtungdan wala masayud sa kinatibuk-ang sugilanon kun nganong nahitabo ang hysteria mismo sa ilang balay sa pag-umol. Hinumdomi kini nga ang pagtuo nga walay rason ug lohika, usa ka dakong patuo tuo.

Ang makatabang sa mga kalag sa purgatoryo mao man ang atong pag-ampo ug pamisa. Ang mga kalag ng ana-impiyerno dili na mahitabong matabangan pa, ang damned souls dili kalag kondili mga demonyo. Demonyo lamang ang mosulod sa lawas sa tawo kondili demonyo lamang. Mensahe pa more!