Opening

Nagkadaiya ang hinungdan kun nganong mahilabtan ang tawo sa dautang mga Espiritu.

Kining maong mga hinungdan mao man kadtong gitawag pa nila og Opening kun ang ganghaan o abli. Kini mahimong naglangkob ning mosunod:

1.  Sala nga naandan (Habitual Sin) ang tentasyon dili sala apan ang pagtubay niini maoy makapahimo kanatong makasasala.

Dili sala ang tentasyon apan kahigayonan kini sa pagpakasala.

2.  Occult practices. Ang makanunayong pagkonsulta sa mga occult practitioners mao man ang pag nurture ning maong relasyon tali  sa tawo ug sa demonyo. Pinaagi sa mga ritwal atong gitugotan ang mga dautang espiritu nga mokupot sa atong kinabuhi.

3.  Sakit kun balatian sa mga higayon nga kita huyang kita usab mahimong mahilabtan sa dautan.

Ang discouragement ug uban pa maoy makapahimo natong mobuhat sa tanan aron lamang mamaayo apan ang nakadaut usahay dili kita modangop sa mga sakramento kondili ngadto naman sa mga gahom nga dili gikan sa Dios.

4.  Trauma labina niadtong mga nabiktima sa pang-abuso mismo sa ilang mga kadugo ug mga significant others.

Kining mga butanga maoy nakapahimo natong vulnerable sa atubangan sa mga demonyo. Ang makanunayong pag-atiman sa kaugalingon kinahanglanon kaayo aron sa ingon mamahimo kitang himsog ug andam sa kanunay sa pagharong sa mga dautang elemento nga mahimong mohasi sa atong kalgnon ug lawasnong kaluwasan.

Sa dili pa kita moluwas sa uban atong luwason una ang atong kaugalingon pinaagi sa pagpalig-on sa pagtuo ug pagsirado ning maong mga openings aron dili matugotan ang demonyo nga manghilabot kanato.