Diyos ang kaabag ni Bantag
Kon malipayon si Justice Secretary Crispin ‘Boying’ Remulla, ug Bureau of Correction (Bucor) Director General Gregorio Catapang pagpalagpot ni kanhi Bucor Chief General Gerald Bantag sa hugaw kaayo nilang pamaagi, nagbangotan ang kinabag-ang nagpakabana, kinsa gipakaingon og palabwan pa sa kahait ang pagpadayon sa administrasiyong Marcos sa nasugdan nang War on Drugs ni former Presdent Rodrigo Roa Duterte (PRRD).
Apan makadismaya. Kay inay hingpit mapuo, nanumbalik man hinuon ang pagtuybo sa mga kubol sulod sa Bilibid kuyog sa makalilisang pagbaha sa nagkaabundang illegal drugs nga gikaluhaan sa mga dinagkong krimen nga kaniadto mihinay na unta.
Sa usa ka interview, si Gen. Bantag mitug-an nga adunay intel mipahibalo niya, nga may grupo kuno sa mga military ang giporma aron mo-assassinate niya anytime.
Busa, ning higayon nga siya klaro kaayong biktima sa inhustisya, nakapangutana: ‘Asa ug kinsa pa man kuno ang iyang maduolan?
Base sa gi-post sa Facebook, ubos sa caption: Tinig ni Bantag, pinetsahag October 26, 2023, makita ang heneral nga mipabuto sa iyang kahiubos. Niay tipik:
“Saan tayo lalapit? Kanino tayo lalapit? Kaya nga minsan, ipanalangin na lang natin.
Sabi natin, ay, oh Ama, makinig ka sana sa Inyong mga hinirang at ng mga taong bayan. Saklolohan Mo po kami sa mga kalaban.
Ikaw po lamang ang aming sandigan, aming Ama. Kayo na po ang bahala sa amin lahat. Kayo na po ang bahala sa bansang Pilipinas.” Unya, mipuno: “Pero sabi ko nga, noong una pa, na nasa tao ang gawa, nasa sa Diyos ang awa.”
Ning pagpamunoan ni PBBM, nakita ni Gen. Bantag nga ang gipang-appoint niining DILG Secretary, PNP chief, Justice Secretary pulos dili patas. Hinungdan, sa iyang pagtagotago.
Si PRRD ug Gen. Bantag managsamag balhibo: pulos anti-illegal drugs ug anti-terrorists.
Pero imbes suportahan si Bantag, pinili ni PRRD, sa administrasiyong Marcos, mao pay gikontrahan ug gusto pang ipapatay sa kanhi kauban ra niyang kasundalohan ug kapolisan.
Apan wala siya mahadlok niining hulgang mabangis. Kay hugot iyang pagtuo’g pagsalig, nga ang Diyos anaa kanunay sa iyang tupad, andam moabag-manalipod kaniya batok sa mga daotan.
Ug kinsa bay modaog ning grabeng pagpanglutos ni Boying kang Bantag: Si Boying, o ang Ginoo?
- Latest
