Ikakatloag-Duha nga Adlaw

Dili kasarangang Lihok sa Yawa: Ang Nasudlan og Daotang Espiritu (Demonic Possession)

Sukaranang  Teksto

Basaha ang Lukas 4; 3-41

Pasiuna

1.  Ang pag-angkon sa lawas apan dili sa kalag sa biktima. Ang dautang espiritu matud pa nisulod ug nipuyo diha sa lawas sa tawo.

2.  Dili kini mahitabo diha diha, mahimo nga ang pag-angkon ug pagsulod sa dautang espiritu sa kinabuhi sa biktima mamahimong hinayhinay ug inanay.

3. Ang solemneng eksorsismo ingon man ang eksorsista nga dunay mandato sa ordinaryo maoy mohimo ning maong ritwal.

Pagpalawom

Mga timailhan nga ang tawo nasudlan og dautang espiritu.

1.  Dunay kasilag sa mga butang dagrado.

2. Glossolalia ang pagsulti og nagkalain laing mga pinulongan bisan walay kahigayonan  nga makakat-on siya niini. Sama pananglit sa usa ka menor de edad nga Sugboanon apan maantigo kaayong mosulti og mga pinulongang Griyego, latin ug uban pa.

3.  Dunay kahibalo sa mga tinagong mga butang.

4. Dunay kasayuran sa imong kagahapon (Retrocognition)

5.  Dunay kasayuran sa umaabot (Precognition)

6. Mahimong mapalihok niya ang mga butang bisan dili niya kini hikapon (Telekenesis)

7.  Mahimo siyang molutaw sa hangin (levitation)

8. Dili kasarangang kusog nga mahuptan bisan pa man kun unsa siya kagamay o kaniwang.

9.  Mamahimong moubos pag-ayo ang tingog daw lalaki (Guttural).

10. Mausab ang mga linihokan sa mga hayop kun anaa ang biktima. Kasagaran ang mga hayop bation gyud og kahadlok.

11. Mamahimo siyang maglagot kun himoon na ang mga pag-ampo.

12. Ang mga mata kasagaran moliraw daw halos puti na lamang ang nakita.

Pangamuyo

Samtang gikuptan mo ang Krus

Ania ang Krus sa Ginoo! Pahawa kamo mga gahum sa kangitngit! Nagmadaugon Ang liyon sa tribu ni Juda nga kaliwat ni David! Aleluya!

Mga Pahimangno/kalihukan labina kun napamatud-an nga dunay tinuod nga demonic possession

1.  Duol una sa usa ka psychiatrist ug mga eksperto sa mga medical nga mga kondisyon. Sanglit dunay mga sikolohikal nga kahimtang nga dunay susamang kinaiya sa demonic possession. Mahinungdanon kaayo ang psychiatric exam ug uban pang mga medical examinations.

2.  Kun normal ang tanan, himoon dayon ang pag interview ingon man katekesis sa biktima ug sa iyang pamilya.

3. Andama ang pasyente diha sa iyang espirituhanong pakigbisog apil na niini ang kumpisal ug pagdawat sa mga sakramento.

4. Papirmahon siya og waiver nga notaryado sa abogado.

5. Panahon sa eksorsismo kinahanglang naa ang doctor, abogado, sakop sa pamilya nga mosaksi. Himoon kini sa dapit nga dunay pribasiya.

6. Kinahanglang I document gyud kini alang sa umaabot nga kagamitan.

7. Human sa sesyon kinahanglang hatagan ang biktima ingon man ang pamilya niini sa mga buluhaton agig tampo alang sa kalingkawasan niini. Anaa usab ang follow up matag karon ug unya.