Unsay tulobagon sa ginikanan kun makahimo og kadaut ang anak?

Dear Atty. Divine,

Ang anak sa akong igsuon nga minor de edad nagduwa sa gawas sa gate sa ilang balay kuyog ang iyang kaubang mga bata.

Naglabay-labay sila og bato og karon kay ang naigo sa lang paglabay sa bato, ang auto man nga naka parking daplin sa kalasada og nabuak gyud ang bildo sa bintana sa maong sakyanan.

Ang akong pangutana kun duna bay tulubagon ang mga ginikanan sa maong mga bata sa nahimo nilang kadaut? Daghang salamat. -- Lorna

* * *

Dear Lorna,

Basi sa atong balaod (Art. 2176 og Art. 2180) sa New Civil Code kini nagkanayon nga kun ang tawo makahimo og kadaut sa iyang isig-ka tawo o sa bisan unsang butang obligado kini nga makabayad tungod sa iyang pagpabaya or negligence.

Apan kun bata mao ang makahimo og kadaut o damage, ang amahan o inahan sa bata maoy obligado nga mobayad sa kadaut nga nahimo sa iyang anak nga minor de edad.

Kini tungod kay ang bata ubos sa iyang custody ug sa iyang supervision and control.

Busa sa imong pangutana, ang ginikanan sa mga bata nga maoy nakabuak sa bildo sa bintana sa auto mao gyud ang makabayad niini. Thank you and God bless.  -- Atty. Divine

Alang sa inyong.pangutana, palihug lang sa pag email sa flores [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.