Unsay mahitabo sa kaso kon namatay na ang akusado?

Dear Atty. Divine,

Ang akong igsuon mipasaka og kasong criminal batok sa suspek pagpanulis ug pagdunggab kaniya. Ang  maong kaso pending pa sa korte. Apan last month namatay ang akusado tungod sa sakit. Ang akong pangutana kun unsay mahitabo sa kasong kriminal nga gipasaka sa akong igsuon batok kaniya? Daghang salamat.

Randy

* * *

Dear Randy,

Basi sa  Art. 89 (1) sa atong Revised Penal Code, kini nagkanayon  nga ang criminal liability  sa usa ka tawo mo-extinguish kun mamatay ang accused before sa iyang final conviction.  Buot ipasabot nga ang tulubagong criminal sa accused mapapas usab kun mamatay kini. Busa ang kasong gipasaka  batok sa accused ma dismiss na kay mi extinguished  na man ang iyang criminal liability tungod sa iyang kamatayon. 

Kay kinsa na man unya ang atong silotan kun pananglit makombikto sya sa kaso nga patay naman ang nakahimo sa krimen. Gawas pa, di na sab makadepensa sa iyang kaso ang akusado kun ipadayon ang trial kay patay na man kini. Hinaut nga natubag nako ang imong pangutana. Thank you and God bless.

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.