Saup papahawon sa tag-iya sa yuta
Dear Atty. Divine,
Ang akong mga ginikanan maoy nagtikad sa usa ka umahan sud na sa 25 ka tuig. Apan karong bag- o gipahibawo sila sa tag-iya nga ila nang ibaligya ang property busa gusto na nilang papahawaon ang akong mga ginikanan. Ang akong pangutana kon mamahimo ba diay nilang papahawaon ang mga saup ? Unsay angayng buhaton sa akong mga ginikanan? Daghang salamat.
Glenda
* * *
Dear Glenda,
Basi sa balaod, ang mga saup adunay security of tenure. Buot ipasabot nga dili basta-basta nga mapapahawa ang saup gawas lang kun kini adunay legal nga rason or kun boluntaryo niyang iuli ang yuta. Bisan gani kun ibaligya sa lot owner ang property dili kini igong basihan nga papahawaon ang saup bisan kun bag o na ang owner sa yuta nga iyang gitikad. Busa kun mamugos gyud ang lot owner sa pagpapahawa sa imong mga ginikanan, mamahimo nga modangop o mopasaka sila og reklamo ngadto sa DAR batok sa lot owner nga kalit nilang mopapahawa sa yuta nga ilang gitikad. Thank you and God bless.
Atty. Divine
* * *
Alang sa inyong pangutana palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
