Administrasyon process of adoption

Nagplano mi sa akong bana nga himoong legal ang pagsagop sa akong pag-umangkon nga naa nagdako namo. Ang bata 3 years old na ug ang  gusto sa akong bana nga sagupon namo ang bata kay kami man ang giila niyang mama ug papa kay one- month old pa lang ning bataa kami na ang nag-atiman. Ang akong pangutana kun unsay angayan namong buhaton aron among masagop ang bata?

Norma

* * *

Dear Norma,

Adunay bag-ong balaod nga gipasar ang Kongreso nga diin dili na moagi sa Korte ang domestic adoption.

Basi sa Republic Act 11642 nga gipatuman niadtong Enero 6, 2022, ang domestic adoption ipaagi na sa Administrative process diin ang petition for adoption adto na ifile sa National Authority for Child Care kon NACC sa DSWD sa inyong region. Mas minus ang gastos ug I think mas paspas ang maong proseso.

Ang maayo ninyong buhaton karon mao ang pagbisita sa DSWD aron sa pagpangayo og requirements alang sa pag-file og petition for adoption sa maong buhatan. Thank you and God bless!

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.