Reviving the BLISS program

Unsa man ni? Kahinumdom mo ini? Alang kanatong mga senior citizens, ilabina kadtong dugay-dugay nang na-senior (sama kanako), dili gyud makalimot niini, kay usa man kini sa mga impact projects nga nahitabo sa atong kinabuhi.

BLISS – acronym sa Bagong Lipunan Sites and Services program ubos sa Ministry of Human Settlements (MHS), ang unang departmento nga gi-abolished pag-assume sa bag-ong administration; ang ikaduha, ang among Ministry of Public Information (kami si Apen Blanco nawad-an dayon og trabaho - but who cares?)

Hinumdoman nga ang MHS gimugna niadtong June 11, 1978 (ang uban ninyo wa pa mangatawo), primarily ang tumong mao ang pagtagad sa matag human settlement sa tibuok nasud. Ngil-ad ba gud ni nga ila mang gi-abolish?  Wa ra bay gipuli nga mas maayo.

Ato ning kutluon: “Its goal is the full enhancement of man’s potentials (ikaw, ako, ug sila) as an active, intelligent, and sensitive person, and as a citizen proud of his Filipino identity.“

dunay tulo ka main tasks ang MHS: 1) environmental management (gikinahanglan kaayo kini karon), 2) land use and town planning (ato ba kining gihimo karon?), ug 3) shelter system development (lakip na ang pag-establish og mga homes for the aged).

Self-reliant communities. Mao kini ang ultimate goal sa MHS, nga ang mga katilingban makabarug sa  kagalingon nilang kusog, “by providing livelihood and other basic services and facilities in the communities,” by the BLISS.

Suwayan nakog contact si Apen (he was the MHS regional director when he got abolished), ako siyang pangutan-on how far have the gone in the implementation of the program. 

By the way, ato ning gihisgotan dinhi, kay nakadungog man gud ko nga adunay mga plano to revive it, sama sa Masagana 99. Go ahead, PBBM.

ooo

Magpalain ta, from the current issues and controversies of the day nga usahay biased kaayo nga magduda kita tingalig fake, agad kinsa ang tinubdan.

Dili man tingali dautan nga atong susihon (bisan sa makadiyot lang), ang kahimtang sa pikas nga bahin sa atong lawas, ang kalag. Kay sa pagkakaron gud, it seems nga ang kanunay atong gihatagan og importansiya, giamoma gipatambok mao raman ang unod, ang flesh nga bahin sa atong laws. 

Most probably ang uban kanato, dili man motuo nga we are both body and soul. So, ang body ra ang kanunay nilang gilawgan ug gi-nourished pag-ayo.

Pa-guwapa dinhi, pa-guwapo didto; pagkaligo sa mahalon nga pahumot, imported nga mga perfume ug sabon; pagsul-ob sa mahalon nga saput; pagtumar sa segurong makapabaskog sa lawas nga mga bitamina;  pag-balanced diet ug pag-exercise; ug uban pa nga alang lang gayud sa lawas.

Of course, dili kini dautan. Apan, maayo man sad tingali nga once in a while, ato usab susihon ang mas importanting bahin sa atong lawas, ang kalag.

Kay si kanhi Pope Benedict express man sa iyang kabalaka nga ang modern world, ang today’s “mankind is groping in darkness, unable to distinguish good from evil.”

Kuyaw, nga kining atong gipangbuhat karon, dili kita maka-distinguish hain ang good, hain ang evil. Usahay ra ba, magkabali kini. Ang diborsiyo, alang sa uban, good kaayo for the country, apan evil alang sa uban ug sa Church. Ikaw?