Wa mananghid nga mo absent

Dear Atty. Divine,

Mangutana lang unta ko bahin sa akong problema sa trabaho. Pito ka tuig nako nga nagtrabaho sa company ug karong bag-o, naka absent ko sa work tungod sa problema sa akong pamilya. I sent a text message sa akong supervisor ug nananghid ko sa akong pag-absent,  but wala daw niya nadawat ang akong text, busa nahulog nga nag AWOL ko for 5 days. Gipadad-an ko og memo sa HR to explain kun nganong ako daw gi abandon ang akong trabaho ug kun dili daw sila ma-satisfy sa akong explanation then possible daw ko nila nga i-terminate. Ang akong pangutana kun ila ba kong ma-terminate tungod sa akong gibuhat? Unsay angayan nako nga buhaton? Daghang salamat. — Cherry

* * *

Dear Cherry,

Basi sa atong Labor Code, ang usa ka regular nga empliyado mamahimo lang nga i-terminate kun nakahimo niining mosunod: “(a) Serious misconduct or willful disobedience by the employee of the lawful orders of his employer or representative in connection with his work; “(b) Gross and habitual neglect by the employee of his duties; “(c) Fraud or willful breach by the employee of the trust reposed in him by his employer or duly authorized representative; “(d) Commission of a crime or offense by the employee against the person of his employer or any immediate member of his family or his duly authorized representatives; and“(e) Other causes analogous to the foregoing.” Ang imong pag-absent nga way pananghid makonsiderar nga kalapasan sa paragraph b, apan aron kini kabasihan ba sa pag-terminate kanimo kinahanglan nga ang imong pag-abandon sa trabaho gross and habitual, meaning nga dili lang kausa kini nimo buhata kondili makadaghan na. Busa ang maayo nimong buhaton karon mao ang pag explain sa HR kun nganong mi absent ka ug mas maayo nga imo sab nga ilakip sa imong explanation ang screen shot sa imong text sa imong pagpananghid sa imong supervisor as proof nga nakapananghid ka. Thank you and God Bless. Atty. Divine

Alang sa inyong pangutana, palihug lang sa pag email sa [email protected]  ug akong tubagon inyong pangutana pinaagi sa akong column matag Miyerkules, Sabado ug Domingo.