Miuntol nga tseke
Dear Atty. Divine,
Ang akong amiga nangutang nako og P100,000.00. Misugot ko kay ipuhunan daw sa negosyo sa akong amiga. Mipasalig siya nga bayran dayon ang utang after 3 months og mi issue siya og post dated check.
Mipirma sab siya og promissory note. Karon pagpa encash nako sa cheke miuntol man kay way pundo. Akong gitawgan akong amiga apan di na makontak. Unsay angayng buhaton nako aron makolekta ang maong utang? Daghang salamat.
Loida
* * *
Dear Loida,
Ang una nimong buhaton mao ang pagpadala og demand letter sa imong amiga pagsettle sa iyang utang human miuntol ang cheke nga iyang gi issue. Kon dili gihapon kini mobayad, mamahimong mo file ka og kasong kalapasan sa BP 22 batok sa imong amiga.
Usa kini ka criminal offense busa mamahimong mapriso ang imong amiga kon mapamatud-an. Mamahimo sab nga Civil case lang ang imong ipasaka kon ang gusto nimo mabayran lang sa utang. Mamahimo kang mo file sa kaso ubos sa small claim case ngadto sa MTC og mas paspas ang proseso niini og di na sab ka magkinahanglan og abogado. Thank you and God bless.
Atty. Divine
* * *
Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
