Ang St. Anthony’s brief

Sa akong pagbasa sa kinabuhi ni San Antonio de Padua, akong nasum-okan ang bahin sa iyang kinabuhi diin usa ka babaye ang gihasol sa yawa.

Luoy kaayo ang maong babaye tungod kay dili siya makatulog kay halos kada gabii naman maghasol kaniya ang maong demonyo.

Sa iyang damgo nakita niya si San Antonio nga nihatag kaniya og papel diin nakasulat kining mosunod:

Ecce Crucem Domini!

Fugite partes adversae!

Vicit Leo de tribu Juda,

Radix David! Alleluia! (3x)

Nga sa ato pa:

Ania ang Krus sa Ginoo

Pahawa mga kaaway nga espirituhanon!

Niabot Ang Liyon sa Tribu ni Juda

Gikan sa Kaliwat ni David!

Tuod man ang maong pag-ampo nakapalingkawas sa hingtungdan gikan sa yawa.

Tungod sa dakong kalipay ang bana niya nipahibalo niini sa kadaghanan. Gikan niadto hangtud karon gigamit kining maong matang sa pag-ampo matud pa usa kini sa hamubo apan epektibo nga pag-ampo usab sa eksorsismo.

Si San Antonio de Padua diha sa iyang balaanong kinabuhi nahimong gikalisangan sa mga demonyo. Sa panahon nga kita hasion mahimo man nato siyang sangpiton.